________________
३२०
सिरिपउमप्पहसामिचरियं
परि-भमिर-भमर-मग्गण-संकड-घणि-भवण-सरिस-कमलवणं । वरपालिसालिकलियं सहइ इमं नयरसारिच्छं ॥१२६५॥ तह उन्निद्द-कसेसयकडंबमेयं दरिद्दगिहसरिसं । रेहइ अइमत्तेहिं कोलकुलेहिं खणिज्जंतं ॥१२६६।। मन्ने दिसि-विदिसाओ खर-किरणकरेहि ताविया निच्चं । पडिबिंबमिसेण सया सिणाणमिह निम्मवंति व्व ॥१२६७।। इय दियहे दिणनाहो निसाए पडिबिंबिओ निसानाहो । रेहइ किरणखरत्तं कलंकपंकं च निहणतो ॥१२६८।। निच्चं पि चंचलाए जुत्तं कमलाए इत्तियं विहियं । परिहरिय हरि जलहिं इमस्स कमलेस जं च सिया ॥१२६९।। जइ अज्जवि इह वासं करिही नारायणो वि तो मन्ने । परिमुसियलवणजलभरकालत्तो उज्जलो होही ॥१२७०॥ गंभीरिमाए जेणं विजिओ जलही वसेइ दूरम्मि । तस्स सरस्स समग्गं लच्छिं कह नाम वनेमो ? ||१२७१ ।। इय विविहं वनंतो पउमसरं तस्स मज्झयारम्मि । फलिहमणिनिम्मवियं चउम्महं नियइ जिणभवणं ॥१२७२॥ उदंड-इंडबाहं उद्धं काऊण किंकिणीमहलो । आहवइ व्व पडायंगलीहि कमरं विहारो वि ॥१२७३।। सो झ त्ति भत्तिभरपिल्लीउ व्व पज्जाए तत्थ गंतुणं । अजियजिननाहपडिमं पिच्छइ भवणस्स मज्झम्मि ॥१२७४।। सच्छंद-कय-सिणाणो कमलायर-गहियकमलनिउरूंबो । उल्लसियपलयपडलो जिणपडिमं पूयए कमरो ॥१२७५।। सो सट्ठि-हत्थ-मित्तं उग्गहखित्तं जिणस्स मत्तूणं । विहिपव्वं वंदित्ता एवं संथणइ जिणनाहं ॥१२७६।।। जियसत्तु-नराहिव-कुलवयंस ! जय-विजय-कुच्छिसररायहंस ! । जय तियण-माणसवणवसंत ! जय अजिहनाह ! कयभवदहंत ! ॥१२७७॥
Jain Education International 2010_04
For Private & Personal Use Only
www.jainelibrary.org
