________________
३१८
सिरिपउमप्पहसामिचरिय
इय अइयारविसुद्धं नियमं गिण्हित्तु मुणिसमीवम्मि । सच्छंदगमणसीलो, सो गच्छइ विविहदेसेस ॥१२३९।। अच्छरियसयाइनं वसुहावलयं कमेण पिच्छंतो । पत्तो एगमरणं सरियागिरि-नयरसंकिनं ॥१२४०॥ करवालमित्तमित्तो सुनं रनं पि वसिमसारिच्छं । मन्नतो सच्छंदं हिंडइ सव्वत्थ सीहु व्व ॥१२ ४१ ।। साहस-विवेय-विक्कम-पयाव-पत्राणि पवरपरिवारो । हरिणा नयणविणोया रयणसिलामसिणसयणिज्जं ॥१२ ४२ ।। संहरियसयलपरिसमहिययावटुंभउज्जमप्पमुहो । हय-गय-वाहण-निवहो संतो सो कोससाला य ॥१२४३॥ पवणकसील व नच्चिरपउमिणिवरकामिणीहि निम्मवियं । गंजंत-सवण-सहयरभमरी गीयं च संगीयं ॥१२४४।। पत्तल-तरुवर-छाया छत्तं गिरिकंदराय धवलहरं । सन्ने रन्ने वि इमा पुरलच्छी तस्स कुमरस्स ॥१२४५।। अह सो. परिब्भमंतो कुमरो रनम्मि अवदियहम्मि ।। गयणग्गलग्गसिहरं नियच्छए सिहरिणं एगं ॥१२४६।। निज्झरणहारिहारो अंबरवरमेहडंबरो निच्चं । वरसिहरमउडबंधो नज्जइ सिहरीसु सो राया ॥१२४७॥ कोउहलतरलमणो कमरो तस्सग्गसिहरदेसम्मि । आरुहइ दुरारोहे दुलहे गरुयाण आरंभो ॥१२४८॥ सो तत्थ समारूढो पिच्छंतो करयलं च महिवलयं । पिच्छइ महामहल्लं पउमसरं दूरदेसम्मि ॥१२ ४९।। तं मज्झ देसभाए हारिणमेगं विहारमइतुंगं । सम्मं निरूवयंतो निरिक्खए रम्मरोमंचो ॥१२५० ॥ नाऊण दूरदेसे पउमसरं सो वसेइ सिहरस्स । तस्सेव कंदराए चंचलचित्ताण न हु लच्छी ॥१२५१॥
Jain Education International 2010_04
For Private & Personal Use Only
www.jainelibrary.org
