________________
३१०
सिरिपउमप्पहसामिचरियं
उल्लसिय कोउहल्लो, राया चिंतेइ हंत ! वणियस्स । पायालरमणि-सरिसा, भज्जा पडिहासए एसा ।।११३५॥ नयणाण मह तिलाणं, इत्तियमित्तं न होइ तुल्लत्तं । जित्तियमित्तं दीसइ, दोण्हं एयाण विलयाणं ॥११३६॥ नूनं स च्चिय एसा, दिव्ववसेणं इहेव संपत्ता । अहवा किह सा होही, जा मुक्का संपयं तत्थ ॥११३७॥ किह नित्रयं लहिस्सं, किं कायव्वं च संपयं मज्झ ? । इय चिंतिरस्स रनो, धत्तीए तीमणं दिन्नं ॥११३८॥ रना निन्नयहेडं, झड त्ति चलियाए तीए वत्थम्मि । तीमण-बिंदुक्खित्ता, निय नह-सुत्तीए गिण्हित्ता ॥११३९।। कनंत-पत्त-नित्ता, नरवइ-वावारदत्तचित्ता सा ।। ते बिंदू खिप्पंते, पिच्छइ संतत्थ हरिणच्छी ॥११४०॥ जंपइ य हिययमझे, हं इह नाओ सि खिवसि किं बिंदु ? । एयारिसा छइल्ला, मूढबइल्ला पुरो मज्झ ॥११४१॥ कर-कलिय-तालविंटा, अयाणमाण व्व बिंदपक्खिवणं । अग्ग-निसना रनो, समीरणं कणइ सा धत्ती ।।११ ४२॥ जंपइ य सत्थवाहं मणुनमनं पि तुज्झ नरनाहो । सविसं पि मन्नंतो न जेमए अज्ज किं कज्जं ? ॥११४३॥ किं वणियाणं भोयणमिमं न रुच्चेइ अहव तुह भवणे । अन्नं पि किं पि वत्थु चित्तम्मि चमक्कए रनो ॥११४४॥ तो सत्थाह नरिंदा विम्हियहियया न किं पि जंपति । तत्तो तीए रनो पयसहिया सक्करा दिना ॥११४५॥ पयपाणं काऊणं सलील गिण्हित्त उठ्ठिओ राया । वत्थाभरणप्पमुहं किंचि वि घित्तूण संचलिओ ॥११४६।। सा वत्थ-कोस-सालं धुत्ती गच्छित्त पव्वसारिच्छं । परिहित्तु वत्थजुयलं पत्ता भूमीहरस्संतो ॥११४७।।
Jain Education International 2010_04
For Private & Personal Use Only
www.jainelibrary.org
