________________
३०८
इच्चाइ चिंतयंती, विसेसविरया निवम्मि सा जाया । पभणइ अणंगदेवं, मह भणियं कुणसि किं नो वा ? ॥११०९ ॥ साहिक्खेवं वयणं, सोउं भीओ पयंपए एसो । कुवियासि किं तु सामिणि ! तुह आणा खंडओ नाहं ॥१११०॥ पविसेमि जलहिमज्झे, विसेमि जलणम्मि जामि वणवासे । साहेमि असज्झं पि हु, दासो विव तुज्झ आएसा ॥११११॥ तत्तो इमा पयंपइ, निवं निमंतेसु नियय-भवणम्मि ।
जेण समक्खं चिय, तस्स कए पडिकयं काहं ॥१११२ ॥ महुरेण वि निद्धेण वि, दुद्धेणं पिच्छ नियय सत्तस्स । अइताविएण विहियं, मणयं जलणस्स विज्झवणं ॥ १११३ ॥ कवडेण हवसु मंदो, पढमं पच्छा हवेसु गयमंदो | एयम्मि ऊसवदिणे, आहवसु निवं सभवणम्मि ॥ १११४|| तं तह करेइ सव्वं, झड त्ति विम्हइय माणसो एसो । पउराय तस्स भवणे, एंति चिगिच्छाकरणदक्खा ॥ १११५ ॥ सो पिहियघरदुवारो, पायं चिट्ठेइ भवणमज्झत्थो । काऊण मउलिबंधं, कया वि विज्जे समाहवइ ॥ ११६ ॥ चिंतइय इमो चित्ते, पिया बुद्धीए रायसेवा वि । थक्का निरंतरायं, भोगसुहं मज्झ संजायं ॥ १११७ ॥ मासम्मि वइक्कंते, रोयपमुक्की करेइ न्हाणं । पउराय अक्खवत्ते, गिण्हित्ता इंति तस्स गिहे ||१११८ || सो देव-गुरु-नमंसण-पुव्वं गंतूण निवसयासम्मि । गग्गरगिराए राय, दीणो होऊण विनवइ ॥ १११९॥ तुह पायपसाएणं, सामिय ! जम-भवण - दार - तोरणयं । दट्ठूण अहं वलिओ, दूरंत - रोगाओ जं मुक्को ॥११२०॥ ता काऊण पसायं, मह भवणे देव ! भोयणं कुण । अब्भत्थियाहि गरूया, न हुंति विमुहा जयंते वि ॥११२१ ॥
Jain Education International 2010_04
सिरिपउमप्पहसामिचरियं
For Private & Personal Use Only
www.jainelibrary.org
