________________
३०६
सिरिपउमप्पहसामिचरियं
जंपइय दुद्धमुद्धच्छि ! नूण मुद्धासि जीए आजम्मं । दिटुं न किमवि एसा, होही पंचालिया सरिसा ॥१०८४॥ तं चेव पसंसेमो, तरुणिं जीसे कलासु कोसल्लं । पगरिसपत्तं नवनव-कामयसंसग्ग-माहप्पा ॥१०८५।। इय जंपिऊण पत्तो, सत्थाहो निययमंदिरे तत्तो । चिंतेइ सुंदरी सा, केण उवाएण दट्ठव्वा ॥१०८६॥ खर-किरण-किरण-फंसो, जीसे सुमिणे वि नेव उवलद्धो । तीसे सरीरसोहा, अहह अहो केरिसी हुज्जा ? ॥१०८७॥ सो कामगहग्गहिओ, विविहोवायणसएहिं नरनाहं । आराहतो गच्छइ, सयावि अंतेउरस्संतो ॥१०८८॥ कमसो तेण वियाणियमेयं जह अमुगभवणमज्झम्मि । भूमीहरम्मि चिट्ठइ, सा तरुणिसिरोमणी रमणी ॥१०८९॥ अह अभिंतरपुरिसे, नेउं नियभवणमज्झयारम्मि । कारइ सुरंगमेसो, तिस्सा भूमीहराभिमुहं ॥१०९०॥ थोवदिणेहि सरंगा, अइदल्लक्खा इमेण कारविया । निस्संधि-बंध-वीडय-पओग-सुह-गमण-निग्गमणा ॥१०९१ । बहिनिग्गयम्मि भूमीसरम्मि सव्वंगसुंदरायारो । भूमीहरम्मि गच्छइ, सारं सज्जित्तु सिंगारं ॥१०९२।। रइवसकिलंतगत्ता, सुत्ता सणियं च तेण जग्गविया । तरूणी-तरूणसिरोमणिमेयं पिच्छेइ सवियारं ॥१०९३॥ साणणयसवीसंभं, सप्पणयं तेण सा वि आलविया । बाला विम्हियहियया, मोणं परिमिल्लिडं लग्गा ॥१०९४॥ जहच्छेय-भणिय-भंगिं, वयइ इमो सा वि गाढरत्त व्व । अनायपय-पयत्था, तं तह अणुवयइ मुद्धमुही ॥१०९५॥ पढमम्मि चेव दियहे, विलसइ सा तेण जाय-वीसभा । अहवा असप्पवित्ती, अनाइ-भय-वास-पडिबद्धा ॥१०९६।।
Jain Education International 2010_04
For Private & Personal Use Only
www.jainelibrary.org
