________________
नग-नगर-सरि-सरोवर - वासजुनं अत्थि वरदीवं ॥३७॥ तस्सेव मज्झयारे महाविदेहं ति अत्थि वरदीवं । बहुविजएहिं सणाहं, चक्कं पिव चक्कपाणिस्स ॥३८॥ जत्थ य अठ्ठावीसं, उक्कोसा हुंति चक्कि - हलि - हरिणो । बत्तीसं जिणनाहा सव्वे चउरो जहनेणं ॥ ३९ ॥ दुप्पुत्तो विव मेरू, तं कुणइ दुहा य तायविहवं व । पुव्वविदेहं तत्तो, अवरविदेहं च तं जायं ॥४०॥ तत्थ य पुव्वविदेहे, खंडमिवाखंडलस्स नयरीए । अत्थि सया फलवच्छं, वच्छं नामेण वरविजयं ॥४१॥ तत्थत्थि हत्थि - घंटा - टंकार- रणंत-गयण - सीमंता । पुर- गुण - गण - निस्सीमा पुरी सुसीमा विगयसीमा ॥ ४२ ॥ कोडीसरभवणोब्भियकोडिपडागाहिं सा पुरी ने विहियावरपुरविजया, उद्धभुया नच्चए निच्चं ॥४३॥ ससिकंतमणि-विणिम्मियपासायपरंपरा वि रयणी ॥ अमयमयसारणीहिं सिंचइ गिरकाणणे जत्थ ॥४४॥ मरगय- रयण - विणिम्मिय - तोरण- मित्तेण पउलिदाराणि । फालिह - मणिसालाए, जत्थ जणो मुणए कहकह वि ॥ ४५ ॥ जत्थ य दाणाइविविहसंकलबद्धं कलिऊण नियसुयं लच्छिं उम्माहिउ व्व पत्तो अगाहपरिहाछलेणुयही ॥४६॥ उम्मत्तकामिणीसुं, मारो दंडो विहारसिहरेसु । कलहो गयसालासुं, न उणो तव्वासिलो सुं ॥४७॥ बहुधनयजुया अलयं, बहुपुरिसुत्तमजुया य दारवई । बहु जिए हु जुया अमरावई पि मने हसइ एसा ॥४८॥ ती पुरीए समिद्धरिद्धिं निद्धारिऊण धरणियलं । दारियरसायलतलं, मन्ने भोगावई पत्ता ॥ ४९ ॥ नायववसायसहिओ, मयरहिओ पुव्वराय अब्भहिओ । जित्तं पराजिओ वि हु, राया अपराजिओ तत्थ ॥५०॥
Jain Education International 2010_04
सिरिपउमप्पहसामिचरियं
For Private & Personal Use Only
www.jainelibrary.org
