________________
सिरिपउमप्पहसामिचरियं
जस्सारिनारिसीमंतबहलसिंदूररेणु-हरणम्मि । उव्वहइ समीरत्तं अइथिरथोरो वि भुयदंडो ॥५१॥ कुव्वंति गंध-बंधुर-सिंधुर-घंटाण जस्स टंकारा । पसरंता भयभिंभलदिसिगहणपरे दिसाकरिणो ॥५२॥ न सहइ एसो दोसं मह उण गेहे तिमिंगिलगिलतं । इय संकिउ व्व जलही जस्स भया कंपए निच्चं ॥५३॥ भुवनभवणंतराले, अरिनारिगलंतनित्तनीरेहिं । जस्स पयावपईवो, जलेइ रिउ-सलह-खय-कालो ॥५४॥ चलियम्मि जम्मि सिना, धूली वि हु सूरमंडलं सयलं पडिहयतेयप्पसरं करेइ किं वन्निमो तस्स ? ॥५५॥ भूवाल-भाल-तिलयावलीहिं चिंचइयचरणतामरसो । निरवज्जं नियरज्जं, परिपालंतो गमइ कालं ॥५६॥ अंगुलिमुद्दावज्जियसहावसुउमारपाणिकमलेहिं । वारविलयाहिं सणियं संवाहिज्जंतकमकमलो ॥५७॥ अत्थाण सुहासीणो, चिट्ठइ अवराजिओ निवो जाव । ता मागहेण पढियं समरारंभाभिहाणेण ॥५८||जुयलं एसो किंस्य-कन्नियार-कलिया कोसुभरत्तंबरो । साणंदं कलकंठिकंठ कुहरागिज्जंतगेयज्झुणी ।
आरूढो मलयानिलं मयगलं रोलंबरोलाउलं । रम्मारामसिरि विवाहिउमणो पत्तो वसंतो वरो ॥५९॥ विजयाय तुज्झ नरवर ! वसंतसमयस्स हवउ आरंभो । परिवड्ढिसारंभो तिहुयणविजयम्मि मयणस्स ॥६०॥ दुइएण बंदिविंदारएण नरनाहहिययउल्लासं । जणयंतेणं भणियं, विजयारंभाभिहाणेण ॥६१॥ इण्डिं माणिणिमाणसेलदलणे निर्देभदंभोलिणो । हेमंतप्पसरंतकित्तिकयलीदुइंतदंताबलो ॥
Jain Education International 2010_04
For Private & Personal Use Only
www.jainelibrary.org
