________________
अनंतकित्तिकुमारकहा
२९९
तस्संसदेहभाए दिट्ठा सव्वंगसुंदरायारा । कन्ना पसत्थलक्खणलक्खेणवलक्खियावयवो ॥९९४॥ खणमित्तेणं जोई पत्तो जिणभवणदारदेसम्मि । भणिओ य कनयाए एयं दंसेस मह भवणं ।।९९५॥ सो सिद्धिविग्घसंकियहियओ एयाइ विविहभणियाणि । असणंत च्चिय गच्छइ आसने काणणद्देसे ॥९९६।। कुमरो वि विम्हियमणो परिकरबंधं करित्तु तस्सेव । मग्गम्मि जाइ सहसा साहसिया किं न कुव्वंति ? ॥९९७।। सो जोई गंतुणं काणणमज्झम्मि घोरविवरस्स । उग्घाडेइ दुवारं दुरंतनिरयस्स दारं व ॥९९८॥ तो कत्रा भयभीया विलवइ हा ताय!माय ! हा भाय ! । हा काणणदेवीओ रक्खह नररक्खसाहितो ।।९९९॥ सो अगणियतव्वयणो पविसइ मज्झम्मि तस्स विवरस्स । तेणं चिय देहेणं मन्ने नियरम्मि चलिओ व्व ॥१०००। तरुणी करुण-विलावं अणुसरमाणो य तम्मि विवरम्मि । पविसइ झ त्ति कमारो विम्हिय कारुण्णसंपण्णो ॥१००१॥ खणमित्तेणं पिच्छइ दिसिदिसिपसरंतकिरणहयतिमिरं । उत्तरदिसाए मणिमयमणुत्तरं वंतराययणं ॥१००२।। भवणस्स मंडवतले पिच्छइ पजलंतजलणप्पिच्छं । कुंडं महामहंतं कीणा समुहं च पजलंतं ॥१००३।। आययण-किरणमाला पयडिय पयवीए नियपयकमलो । कमरो सणियं सणियं गच्छइ मंडवसमीवम्मि ॥१०० ४।। भवणस्स गब्भमंदिरमवलोयइ भीमतियसपडिमाए । समहिट्ठियं भयंकरबहिनिग्गयजीह-वयणाए ॥१००५॥ दिट्ठा य मंडवतले मह-निज्जिय-चंदमंडला-बाला । पंकय-केसर-वत्रा कत्रा संपुन-लायन्ना ॥१००६।।
Jain Education International 2010_04
For Private & Personal Use Only
www.jainelibrary.org
