________________
२९८
सिरिपउमप्पहसामिचरियं
अन्नदिसा अग्घाइ य कमेण कमलं व कमलिणीनाहं । अवराए दिति सा वि हु खिवेइ निम्मलमिव कुविया ॥९८१॥ तस्सिं अंजणसेले मिलियं तिमिरं विसेसदुज्जेयं । भवणं पि गसइ किं न वि करिति समवाइया कूरा ॥९८२।। तम-निउरंबकरंबियसेलो सो चेव मणिमयविहारो । मोहंधयारमज्झे दीसइ पयडो विवेउ व्व ॥९८३॥ पारंभे वि ह गलियं इमेण तिमिरेण सयलभवणं पि । पच्छा इमं हयासं किं करिही तं न याणामो ॥९८४।। इय एरिस निसिसमए कमरो जिणनाहवंदणा पव्वं । मणिमइयमत्तवारणसनिसनो चिंतए चित्ते ॥९८५।। पिच्छइ दिव्ववसेणं कहमिह सेलम्मि सयलजणमक्के । माणस-वावारस्स वि अगोयरे हंत ! पत्तो हं ॥९८६॥ सयणं व परजणं वा न कमवि पिच्छेमि हियय वीसामं । केण विणोएण मे इह दियहा निग्गमेयव्वा ॥९८७॥ ते सयणा ते सुहिणो सा रिद्धी सो पुराइवित्थारो । गंधव्वनयरसरीसो महत्तमित्तेण संजाओ ॥९८८।। सव्वाण वि दक्खाणं सक्खं मह इत्थ इत्तियं चेव । अभिनंदणजिणनाहो जं दिट्ठो सयलदुहदलणो ॥९८९॥ इय तेण चिंतिरेणं कायरपुरिसाण वज्जपहु व्व । अहियं भयं जणंतो डमरूयडक्कारवो निसुओ ॥९९०॥ रेहइ य कंदरोदरपडिसद्दसएहिं डमरूयारावो । एगो वि विविहरूवो रूवंतरसिद्धजोइ व्व ॥९९१॥ दिट्ठो य तयण तेणं महजालामित्तलक्खियावयवो । करवालकत्तिहत्थो एगो जोईसरो भीमो ॥९९२।। सो य भयंकरदेहो उद्धीकयसिहरसरिसभयदंडो। अंजणसमाणवनो अवरो अंजणगिरी भाइ ॥९९३।।
Jain Education International 2010_04
For Private & Personal Use Only
www.jainelibrary.org
