________________
अनंतकित्तिकुमारकहा
२९३
जित्तियमित्तं सुक्खं संजायं मज्झ तुज्झ चरिएहिं । हरिणम्मि जाय ! जायं तत्तो दुक्खं तु लक्खगणं ॥९१६॥ सयलजणाण समक्खं सहस त्ति गओ असक्कपडियारो । हा हरिय मज्झ पत्तं सो बालो कविय काल व्व ॥९१७।। वयणाणं विनासो सो हासो जणयभत्तिउल्लासो । मित्तेसं विसासो कुमार ! हा कत्थ दट्ठव्वो? ॥९१८।। सव्वो वि मक्ककंठं कंदइ लोओ कमारहरणम्मि । जह सुक्खं तं दुक्खं गरुयाणं सयलसाहीणं ॥९१९॥ के वि ह विवेयवंता सचिवा जंपति राइणोऽभिमहं । धीराणमुदाहरणं किं होउं कायरो आसि? ॥९२०॥ किं देव ! को वि भवियव्वयाए पुरिसो सुरो व असुरो वा । ललियं परिकलियं पि हु सक्को दूरं तु पडियारो ॥९२१॥ परिसा गवसणत्थं तह वि निरुवेस विविहदेसेस । जइ को वि कह वि सुद्धिं कत्थ वि लहिही गवसंतो ॥९२२॥ राया तहेव काउं चलिओ नियनयरसम्मुहं कह वि । जं कज्जपरिच्छेओ तं चिय छयाण छेयत्तं ॥९२३॥ विचलियविलक्खपुहईसपमुहजणवयणमणिय सुयहरणा । विलवेइ तारतारं जणणी कुमरस्स जयलच्छी ॥९२४।। हा लोउत्तमवाचाहारहिमसरिसकित्तिपब्भार ! जियमारसारविक्कमकमार ! हा कत्थ दीसिहसि? ॥९२५॥ पढमं चेव न वंज्झा विहिया किमिह हयास रे दिव्व ! अह दिनं सुयरयणं हरियं निढुक्खतो कीस ? ||९२६॥ अना वि सवत्तीओ सह तीए रुयंति कुमरहरणम्मि । मित्ताणममित्ताण वि गरुयाण गणा चमक्कंति ॥९२७।। पुरीसा वि गवेसेउं कुमरं सव्वत्थ काणणाईसु । दिणपंचगपज्जते वलिया विच्छायमुहकमला ।।९२८॥
___Jain Education International 2010_04
For Private & Personal Use Only
www.jainelibrary.org
