________________
अनंतकित्तिकुमारकहा
भवणजण- पुरविणासं पिच्छइ राया भणेइ हे वीरा ! एयं दुट्ठगइंदं दमेह अहवा वि तासेह ||८९०॥ ते वीरा धीरा वि हु रत्ना भणिया विचित्तलिहिय व्व । ऊससियं पिन सक्का दूरे सिंधुरवसीकरिऊं ॥ ८९१ ॥ भमिऊणं सव्वत्थ सो वि गइंदो वि पुरम्मि सच्छंदं । दिपि संपत्तो अणंतकित्तिस्स कुमरस्स ॥८९२ ॥ कुमरो विवियाणित्ता तं करिरायं परक्कमासज्यं । पुव्वासारियवीणं महुरसरं वायए तत्तो ||८९३॥ अहमन्नो विव रन्नो आणादाणेण वीणसद्देण । तेहि वि पएहि रहिओ सहसा सो तत्थ वणहत्थी ॥८९४ ॥ वीणासरेण तेणं बहलो कोलाहलो वि लोयाणं । उवसंतो मुहथंभणमंतेण व सप्पभावेण ||८९५|| सो सिंधुरो वि बंधुरगीयं सवणाणममयवुट्ठि व । आमुक्कसरलहत्थो, सुणेइ उत्तंभियस्सवणो ॥८९६॥ सव्वंगपरिणएणं अमयरसासारमहुरगीएणं । मयसंतावो सव्वो उवसंतो तस्स हत्थिस्स ॥८९७॥ इंदिंदिरझंकारो, विग्घं गीयस्स मन्त्रमाणेण ।
बहु - भमर - भमण - कारण - मय-धारा तेण संहरिया ॥ ८९८ । आरोविय - चउ-चलणो, नज्जइ चउखंभिउ व्व गीएण । लिप्पमओ विव अहवा, वत्थमओ वा कओ हत्थी ॥८९९ रायप्पमुहो लोओ, सणियं सणियं करिंदपासम्मि । पत्तो सुणेइ गीयं विमुक्क - भय-सयल - वावारो ॥ ९००॥ सुव्वं वरगी, करिणो हरिणा य दिंति नियपाणे । तत्थ वि परम्मुहाणं, पुरिसपसूणं हा जम्मो ॥९०१॥ संगीयं निसुणतो, चिट्ठइ सव्वोवि जाव निच्चिट्ठी । ता साहसिओ कुमरो, सहसा करिकुंभमारूढो ॥९०२॥
Jain Education International 2010_04
For Private & Personal Use Only
२९१
www.jainelibrary.org
