________________
२
जेण विहियाउ दस - दिसि कलिमल - संहरण-सर- सरिच्छाओ । दसवरनिज्जुत्तीओ, तस्स नमो भद्दबाहुस्स ॥१२॥ जण - -मण-वणमंकुरियं, झ त्ति सुहासारणीए वाणी । जेसिं निच्चं तेसिं भद्दं हरिभद्दसूरीणं ॥१३॥ जस्स गभीरिमजित्तो नज्जवि जलही चएइ खारतं । तं विविहगंथकारयमहिवंदे हेमचंदपहुं ॥ १४ ॥ रयणायर व्व कइणो, अत्रे वि जयंति जेसि रयणोहं । गिहिय सुवण्णयारा, घडंति नव-नवमलंकारं ॥१५॥ सगुणं विनिग्गुणं वा, अन्नं सव्वं सया पयासंता । अप्पं अपयासंता सुयणा नंदंतु नयणसमा ॥१६॥
सिरिपउमप्पहसामिचरियं
अहवा
को नाम नाममित्तं पि ताण सुयणाण गिहिए ? जेसिं । विवरीय सेहराणं फुरंति दोसा वि गुणरूवा ॥१७॥ जे नव्व-कव्व-दोसं नेव पयंपंति जाणमाणा वि । तेसि महावेरीणं, अलं पसंसाण सुयणाणं ॥ १८॥ सयमेव दोसगाही तह मह निंदाइदुगुणिउच्छाहो पर्याडिस्सइ मह दोसं तत्तो निंदामि खलु पिणं ॥ १९ ॥ अलमेव विच्छुयाणं, मुहमेव अहीण तह य मंदस्स । दिट्ठि च्चिय पिसुणाणं, सव्वं सव्वस्स भयजणयं ॥ २० ॥ मंतेण व चुत्रेण व विच्छुयपमुहाण हवइ पडियारो । दुज्जणजणपडियारे, बंभा वि धुवं निरारंभो ॥२९॥ खंडीकओ वि पज्जालिओ वि चुन्नीकओ वि चुन्नु व्व जीहापलाइओ विहु जणेइ दाहं अहो ! पिसुणो ॥२२॥ दो खंडिओ वि निक्कीलिओ वि भूमीए तह निहित्तो वि । निद्दल धन्ननिवहं, भमिरो पिसुणो घरट्टु व्व ॥२३॥ गुणलवमवि संपाविय, तिक्खा तुच्छा पहीणचित्ता य
Jain Education International 2010_04
For Private & Personal Use Only
www.jainelibrary.org
