________________
२७६
सिरिपउमप्पहसामिचरियं
सहि ! एरिसि च्चिय गई मारु व्व उत्तंस-वलियमुहइंदं । एयाण बालवालुंकि-तंतुकुडीलाण पिम्माणं ॥६९८॥ जम्मंतरलक्खपरूढदक्खरुक्खस्स तिन्नि साहाओ । सेवा खलेसु विहवो परेसु पिम्मं अपिम्मेसु ॥६९९।। एवं सिक्खविया सा तिलुत्तमाए पओसमावण्णा । तावस-दिक्खं गहिउं, मरिउं इह वंतरी जाया ।।७००।। अवहि-पओगं काउं, देहे चक्काउहस्स नरवइणो । कास-जर-सास-सूलप्पमुहदुहं सा वि उव्वेइ ॥७०१॥ बहवाहि-तत्तगत्तो, कहमवि मज्झत्थ-भावमावत्रो । राया मरिउं जाओ, राया सओ वज्जबाहु त्ति ।।७०२।। पियविरहकायरा सा, तिलत्तमा वंतरीइ विहिएहिं । रोगनिवहेहिं मरिउं, जाया हे सिट्ठि ! तुह धूया ॥७०३॥ वम्मह-भवण-निविट्ठा, सा दिट्ठा वंतरीए तुह धूया । समरिय पव्वं वेर, हरिणच्छी जम्म-पडिबद्धं ॥७०४।। पणरवि एसा पावा, वरं वरं पाविहि त्ति चिंतित्ता । पंचालिया मीसेणं, तीए इमा खुज्जिया विहिया ॥७०५।। जम्मंतरपत्ताण वि, वरं वड्ढंति जे महापावा । तिच्चिय धवं कसाया, जीवाणं वेरिणो मन्ने ॥७०६॥ जइया साहियविज्जा, एही इह चेव कुलिसवाहू सो । तइया तम्माहप्पा, सहावरूवा इमा होही ॥७०७॥ तुह पुव्वपुरिसकारिय-संभवजिण-भवणदार-देसम्मि । कारस पवेसवारणकज्जे, नारायघण-निचयं ।।७०८।। तविवरेहिं मज्झे, पविसिय संभवजिणस्स जो पूयं । करिहि विनायव्वो, सो तुमए वज्जबाहु त्ति ।।७०९॥ सा वि सुतारा खुज्जा, उवविट्ठा तत्थ चेव मुणिवयणं । सव्वं पि सुणिय सहसा, जाईसरणं समणुपत्ता ॥७१०॥
Jain Education International 2010_04
For Private & Personal Use Only
www.jainelibrary.org
