________________
२७०
सिरिपउमप्पहसामिचरियं
एक्केण निब्भएणं, नरेण आगरिसिऊण पच्छम्मि ।। गाढं गहिय धराए, हत्थं अच्छोडिओ सप्पो ॥६२०॥ पंचालिया वि परजण-पच्चक्खं चलवलंत-गरुगत्तं । तमहिं गिण्हिय सहसा, सट्ठाणं चेव संपत्ता ॥६२१ ।। विसहर-विसलहरीहिं, संहरिया सेसचित्तचेयण्णा । कन्ना सा वि सतारा, ललंततारा तओ जाया ॥६२२॥ जंगलि-पमहं विज्जं, पउंजमाणेस तरुण-निवहेस । दिव्ववसेणं तह विसवसेण संहरियपव्व-वर-रूवा ॥६२३ ।। कज्जल-तमाल-वा, सिहिजाला-कविल-तुच्छतरचिहुरा । सज्जो खुज्जा जाया, संकुडिया सेस-सव्वंगा ॥६२४॥ एत्थंतरम्मि परजणमहेण सोऊण तीए वत्तत्तं ।। सो कामदेवसिट्ठी, संपत्तो कामभवणम्मि ॥६२५॥ तं अच्चब्भूयं अच्छरियं पिच्छिऊण सो सिट्ठी । विम्हिय-विसाय-गहिओ, तारसरं पलविउं लग्गो ॥६२६॥ हा चारुमत्ति ! हा हारिकित्ति ! हा हरियजणमणोवित्ति !। हा पुत्ति ! पुत्तिवरउत्ति, जुत्ति हा सवणजियसु त्ति ! ॥६२७।। हा वच्छे ! हयविहिणा, सा दारुणा अवत्था ते । जं दलै नवरमहं, जयपि दक्खयं जायं ॥६२८॥ थइयावहा वि सेरंधिया वि धाई वि तह सही निवहा । विलंवति तयं दळं, निठ्ठर-निग्घाय-हय-हियया ॥६२९॥ हा कुंदरयणि ! हा चंदवयणि ! तच्छहरिणसमनयणि ! । वरकामिणि ! वरगामिणि ! सामिणि ! किं तज्झ संजायं ? ॥६३०॥ विलवइ तारं तिस्सा जणणी रे रे हयास ! तुह दिव्व ! । किं इह मएवरद्धं जमकारणिदारुणो जाओ ॥६३१॥ सीसम्मि तज्झ निवडउ वज्जं निरवज्जमेरिसं पत्तं । निम्मविय जेण निक्किवदुत्थावत्था इमा विहिया ॥६३२॥
Jain Education International 2010_04
For Private & Personal Use Only
www.jainelibrary.org
