________________
२६४
सिरिपउमप्पहसामिचरियं
एसो निसाए ईसरगिहेसु खत्तं खणेइ उवउत्तो । जीयं जमु व्व विहवं हरेइ पच्चक्खमवि पावो ॥५४२ ।। रनो वि कोससाला रंभासालो व्व तेण निम्मविया । सयलं पि परं पावो खणेइ लूया वियारु व्व ॥५४३।। सयमेव तेण रत्ना पहाणसचिवेहिं तस्स मित्तेहिं । सामेण य दण्डेण य सिक्खविओ विविहभंगीहिं ॥५४४॥ जाहे न ताण वयणं लवमवि मनइ निरंकुसो एसो । रुद्रुण तेण रत्ना ताहे निव्वासिओ नयरा ।।५४५॥ पुरबाहिरप्पएसे दिवसं निव्वाहिऊण सो पावो । रयणीए खणइ खत्तं पुरमज्झे जीयनिरविक्खो ॥५४६॥
अह पउमसत्थवाहस्स मंदिरं दारिऊण सो सहसा । घित्तूण रयणनिरयं निग्गच्छइ हरिसपडिहत्थो ॥५४७।। गिरिकंदरम्मि गंतुं नग्गोहदुमस्स हिट्ठभूमीए । तं विहवं निहणतो कसिणभयंगेण सो दट्ठो ॥५४८॥ सो तत्थ हत्थलग्गो, रेहइ भयगो कयंतहत्थु व्व । नरयाभिमहं हत्थं, आयच्छतो व्व तं पावं ॥५४९॥ सो सहसा विसलहरि-परंपरा-हरिय-सव्व-चेयत्रो । धूली लुलंत-कुंतल-पन्भारो पडइ महिवढे ॥५५०॥ सास-परिचत्त-नासावसो, मिलियच्छिसंपुडो एसो । निप्पंद-नाडि-निवहो, चिट्ठइ निच्चिट्ठ-कठ्ठ व्व ॥५५१॥ तं तह पडियं पिच्छइ, ओहिनाणेण मुणिय परमत्थो । सुय-सायर-पारीणो, अणन-सामन-कारुनो ॥५५२।। तत्थेव गिरिनिकुंजे, निच्चल-उसग्ग-चत्त-वावारो । धम्मं झियायमाणो, हरिचंदो नाम रायरिसी ।।५५३।। नाऊण तदुवयारं, उस्सग्गं पारिऊण मुणिनाहो । गरुडोववायनामं, अज्झयणं पढइ उवउत्तो ॥५५४॥
Jain Education International 2010_04
For Private & Personal Use Only
www.jainelibrary.org
