________________
ललितंगकुमरकथा
२५९
पंचदिणा मासा वा वरिसा वा जं त वरिसलक्खा वा । न ह नासायविमक्कं कन्नं अप्पेमि कमरस्स ॥४७८॥ पंचपयारं सव्वं जगंतकाले वि नेव लोवेमि । न ह गहिलाणं वयणं विवेयवंतो कणइ चित्ते ॥४७९।। कुड्डंतरिओ कुमरो एवं सोऊण निययपासाए । संपत्तो सिज्जाए चिट्ठइ कंठग्गगयपाणो ।।४८०॥ मित्तेहिं तओ देवी आहविया पिच्छिऊण तह कुमरं । झ त्ति धसक्का हियया सद्दावइ सा महीनाहं ॥४८१ ॥ रायं तत्थ निसण्णं भणइ इमा पिच्छ पत्तदुत्थतं । इत्तिय मित्ते वि गए कन्नं दिज्जास कमरस्स ॥४८२॥ उवाइयलक्खेहिं लद्धो लक्खणगुणेहिं पडिपुत्रो । संपुण्णकलाकुसलो जो रज्जधुरंधरो कुमरो ॥४८३।। नियवंसमत्तियमणी एगो च्चिय जीवीयाउ अब्भहिओ। निय नियममित्तकज्जे तं पि हु हारेसि किं पुत्तं ॥४८४॥ जस्स कए नियजीयं लच्छीदेवीए अप्पियं तमए । तं वंसभवणखंभं किं हारसि तच्छकज्जेण ॥४८५।। तुमए वि इमं भणियं कामगहिल्लो न चेव चेयंति । ता चेयसु सुविचक्खण तुमं पि मा होसु मूढप्पा ॥४८६।। पच्छा पच्छायावो तुज्झ वि होही विवनए कुमरो। तो हं भणेमि पढमं बुज्झसु मा मुज्झ नरनाह ! ॥४८७॥ जइ नियमभंगभीरु कनं दाऊण तह वि कुमरस्स । पच्छा पायच्छित्तं गुरुवयमूले चरिज्जासु ।।४८८।। इय भणिओ वि ह राया, चिट्ठइ वाचं जमो व्व मोणेणं । ता सा दासीवग्गं,संवग्गिय एवमाइसइ ॥४८९।। जावज्जवि मह पत्तो, धरेइ जीयं जियाउ अब्भहिओ। ताव मए पढम चिय, जलंतजलणे वि सेयव्वं ॥४९०॥
Jain Education International 2010_04
For Private & Personal Use Only
www.jainelibrary.org
