________________
२५६
सिरिपउमप्पहसामिचरियं
पायप्पणाम पुव्वं, पुच्छइ लीलावई च सो कुमरो । का एसा वरतरुणी, जणनयणमहुसवायंती ॥४३९॥ सा साहइ वरकन्ना, रम्रो पासम्मि दोहिं खयरेहिं । मुक्का थवणीकज्जे, जुझंता ते गया दूरं ॥४४०॥ सोऊण इमं कुमरो, मणिमयभवणे नियम्मि संपत्तो । चिंतेइ धुवं खयरा, जुज्झंता ते मया दो वि ॥४४१ ॥ इत्तो च्चिय नो पत्ता, पाणप्पियकन्नयाए गहणत्थं । ता मन्ने पुनेहिं कन्ना, मह चेव होहि त्ति ।।४४२॥ देवो व जयंतो वा सो, च्चिय मयणो व जो सया तिस्सा । मुहपंकयमयरंदे, इंदिदिरलीलमुव्वहइ ।।४४३।। कइया परिणयणिज्जा कइया संलावगोयरंगमिही । जियरंभारंभोरू मह परिरंभं कया करिही ॥४४४॥ इय चिंतंतो कुमरो सुक्खं चउसालयम्मि अलंहतो । विरहहुयासणतत्तो उववणकेलीहरे पत्तो ॥४४५॥ निब्बींटी-कयपंकयमयसयणिज्जं तु सारसरिसं पि । उव्वत्तणपरियत्तणसएहिं उसिणं कुणंतेण ।।४४६।। सरसो चंदण-पत्तो लग्गो देहे इमस्स दहणसमो। . उव्वाणोवाएणं निज्जह धूलीसमूह व्व ॥४४७।। परिहरिय पाण-भोयण-सिणाण-दाणाइ-सयलवावारो । सो मित्तेहिं पुट्ठो चिट्ठइ मोणं समल्लीणो ॥४४८॥ लीलावइदेवीए निवेइयं तेहिं सा वि संभंता । संपत्ता तुच्छजले मच्छं पि व चलवलायंतं ।।४४९॥ पिच्छइ कुमरं दीहर-उण्हुण्हसासदंडेहिं । सुसंताहर-पत्तं, जुत्तं सविसायमित्तेहिं ।।४५०।। सा नियय-पाणि-पंकय-फरिसेण जरं वियाणिउं गरुयं । दासिं पट्ठविऊणं, भीया आहवइ नरनाहं ॥४५१ ।।
Jain Education International 2010_04
For Private & Personal Use Only
www.jainelibrary.org
