________________
ललितांगकुमरकथा
२५५
आमं ति तेण रवा भणिए जुज्झति विविहभंगीहिं । अवरुप्परसंहारं समीहयं ता महाबाहू ॥४२६॥ निद्दयतिवइप्फोडणकायरसंहरियहिययसंघट्टा । अन्नोन्नलग्गखग्गोवघायकयवण्हिकणवरिसा ।।४२७॥ गाढतरनिजुद्धेणं जुज्झतो ते सहति संबलिया । अन्नोननागबंधणबद्धगुरुतरभुयंगु व्व ॥४२८।। दठूणमइभयावहमाहवमेयाण धीरवीराण । भीय व्व जामिणी वि हु पलाइया तक्खणा चेव ॥४२९॥ कन्ना पिउणा विज्जाहरेण तह कह वि मुट्ठियाएण । पहओ सिरम्मि इयरो, जह सो वि पलाइओ तुरियं ॥४३०।। उब्भडभिउडीभंगुरकरालमालो फुरंतअहरुट्ठो । तप्पिट्ठिओ वि दुइओ गच्छइ रोसेण रत्तच्छो ॥४३१॥ खयरवीरा दुन्नि वि जुज्झंता मच्छेरण संच्छन्ना । हक्कंता वग्गंता नयणाणमगोयरे पत्ता ॥४३२॥ तो कन्ना वीसत्था जंपइ नरनाह ! मज्झ जणएणं । मुक्काहं तुह पासे तो तुह भवणम्मि गच्छामो ॥४३३ ।।
आम ति तेण रना भणिए विज्जाहरीए पल्लंको । नियविज्जाए खणेणं नीओ नरनाहपासाए ॥४३४।। रना कन्ना लीलावइदेवीए समप्पिया सव्वं । कहिऊण खेयराणं, वुत्तंत जुज्झपज्जतं ॥४३५॥ इत्तो य दिणारंभे, पत्तो नियजणणिपाय-नमणत्थं । तं चित्तंगयकुमरो, कत्रं कनंतपत्तच्छिं ॥४३६।। पिच्छइ नियख्वेणं, जेउं विज्जाहराण तरुणीओ । इह सयलभूमिगोयरतरुणी विजयाय पत्तं व ॥४३७|| तीए वि सरागाए, दिठ्ठो सव्वंगसुंदरो कुमरो । मारकुमारजयंते, बिजयंतो निययरूवेणं ॥४३८॥
___ Jain Education International 2010_04
For Private & Personal Use Only
www.jainelibrary.org
