________________
२५२
सिरिपउमप्पहसामिचरियं
मासंतरम्मि सिट्ठी, पसायपुव्वं विससओ रना । भणिओ रमसु मए सह, पासयसारेहिं वरजूयं ॥३८७॥ सो य रमंतो रना, भणिओ सारेसुं किंपि नियवत्थु । सारेइ अंगुलेयं, निययं सो छोहिओ सेट्ठी ॥३८८॥ थइयावहस्स तत्तो, समप्पियं तंपि राइणा सो वि । कय संकेओ वच्चइ, पासे सिट्ठिस्स भज्जाए ॥३८९॥ सो भणइ सिट्ठिणो ते, संदिळं अंगुलेयमहिनाणं । घित्तुं अमुगागारं, नेहुलगमिमस्स अप्पेस् ॥३९०॥ अवह मज्झ अणत्थो, होही तो सा वि सरलसब्भावा । अप्पइ तं नेहुलगं, सो वि समप्पेइ नरवइणो ॥३९१ ।। रना सिट्ठिसमक्खं, मुत्तुं निय नेहुलाण मज्झम्मि । भणिओ देसिय पुरिसो, गिण्हसु निययं वियाणेउं ॥३९२॥ तेण वि नियनेहुलगो, गहिओ तो राइणा वि सो सिट्ठी । घरसारं घित्तूणं, मुक्को पाणेहिं कहकहवि ॥३९३॥ पच्छा पच्छायावं, करेइ सिट्ठी न मज्झ नियनियमो । जाओ नेव य रयणा, हा ! कह लुद्धो विगुत्तम्हि ॥३.९४।। पच्छायावेण तओ, मरिओ असुरो इमो समुप्पनो । जइ सम्मं आजम्मं, करिज्ज नियम तओ नियमा ॥३९५।। वेमाणिएसु देवो, हुज्ज इमो किंतु अन्ननियमेहिं । खंडिय सच्चवओ वि हु पत्तो असुरत्तणं एसो ॥३९६।। तो पुरिसेणं नियमा, गहियव्वा तहय पालियव्वा य । जावज्जीवं सम्मं, समीहमाणेण अप्पहियं ॥३९७॥ इच्चाइ सप्पवंचं, मुणिणा कहियं निसामिउं धम्मं । सम्म सम्मत्तजयं, दुइयं वयं गिण्हए राया ।।३९८।। अह महिनाहो मुणिणा भणिओ बिइयस्स नरवर वयस्स । तुमए वज्जेयव्वा पंच इमे निच्चमइयारा ॥३९९।।
Jain Education International 2010_04
For Private & Personal Use Only
www.jainelibrary.org
