________________
संगामसूरकहा
- २३९
जत्तो जत्तो भवणस्स किरणलहरीओ लहलहायति । तत्तो तत्तो सयलं नासइ तिमिरेण सह सहसा ।।२२०॥ उवरितला अवयरिओ पिच्छइ तं चेव रयणपल्लंक । सुत्तं च तत्थ कनं आसिर-चरणंत-पावरियं ॥२२१॥ उच्छारिय पावरणं, तुसार-नियरं व कमलिणी-नाहो । कमलं च कमलिणी एसो पिच्छइ तीए मुहकमलं ॥२२२।। सा वि करफंसपाविय अउव्वसुहसज्झसा समुढेइ । सपुलयकचोलमूला तरंगतरलच्छिविच्छोहा ।।२२३ ।। साहसिय सुहय ! सागयमेवसंलाववाउलाबाला । सीहासणे निवेसिय पुच्छइ नामं च ठाणं च ॥२२४॥ सो आह अहं पुत्तो निवस्स सिरिसूरसेण नामस्स । संगामसूरनामो तुह दंसणलालसो पत्तो ॥२२५।। सा सहरिसा पयंपइ रहनेउरचक्कवालसामिस्स । दुहिया पसायसुहिया अहयं सिरिकणयवेगस्स ।।२२६॥ मणिमंजरि नामा मह वरवरकज्जम्मि राइणा पुट्ठो । नेमित्तिओ पयंपइ एसा जलहिम्मि कयभवणा ॥२२७॥ पव्वयसिहरे निच्चं वीणं वाएउ एयमणुकूलो । संगामसुरकुमरो झंपं दाऊण परिणेही ॥२२८।। तव्वयणेणं वीणं वायंतीए दिणाणि बहुयाणि । अइवाहियाणि इहइ संपइ कुमरो पमाणं ति ॥२२९।। अब्रुननेहभरनिब्भराण माला व वित्थरो ताण । जाव पयट्टइ ताव य जं संजायं तयं सुणसु ॥२३०॥ करकलियमंडलग्गो करालभालो तमालसमवण्णो । जीवंतकोलउंदिरमालालंकरियवच्छयलो ॥२३१ ।। छुहियस्स मज्झ भक्खं वंछसि वीवाहिउं इमं कन्नं । साहसमित्तसहाओ मरिहसि रे ! अज्ज निभंतं ॥२३२ ।।
Jain Education International 2010_04
For Private & Personal Use Only
www.jainelibrary.org
