________________
२३८
सिरिपउमप्पहसामिचरियं
दिट्ठा, अदिट्ठपुव्वावरवीणं कलियललियघाएहिं । वायंती गायंती कलकंठी कंठसमकंठा ।।२०७॥ जावम्हाणं वहणं पत्तं तिस्सा समीवदेसम्मि । ताव सहस त्ति वुड्डा तेण समं कप्परुक्खेण ॥२०८।। तो हं हियसव्वसो ववगयजीउ व्व जाव चिट्ठामि । ता किं करेहिं भणिओ किं सामिय ! कुणसि मणखेयं ॥२०९।। एसा दिव्वा तरूणी दिव्वं गाएइ सव्वया गेयं । दठ्ठण मणुयलोयं इह लुक्कइ विहिय लज्ज व्व ॥२१०॥ दीवतरम्मि गंतुं इह पत्तो कुमर ! किंतु सव्वत्थ । हिडतेण वि न मए, एरिसमच्चुब्भुयं दिलृ ।।२११॥ सोऊण इमं कुमरो कोऊहलतरलमाणसो धणियं ।। पण पुराविय वहणे चलिओ नियमित्तसंजुत्तो ॥२१२।। पडिसिद्धो वि हु रना कन्ना दंसणसमूसुओ कमुरो । न नियत्तो पत्तो उण जलनिहिमज्झम्मि दिवसेहिं ॥२१३॥ समयंतरम्मि दिट्ठा सिरिया सिरिवच्छलंछणेणं च ।। सा निययजणयभवणे पत्ता लच्छि व्व पच्चक्खा ॥२१४॥ सा दठ्ठण कुमारं मारं रूवंतरेण पत्तं व । पिच्छंती सवियारं आयड्ढंति व्व निब्बुड्डा ॥२१५॥ जय तियसरमणिकुलभवणलवणजलरासि नासिय दरिद्द ! । सुत्थियदेवाहिट्ठिय दुत्थियसाहार देसु पियं ॥२१६॥ इय जंपिरो कुमारो वारिज्जतो निययमित्तेण । करकलिय निसियखग्गो, बुड्ढो तप्पिट्ठओ सहसा ॥२१७॥ खणमित्तेण य हिट्ठा पिच्छइ चउपासभिन्नकल्लोलं । जलंकतमणिविणिम्मियमेगं पासायमइरम्मं ॥२१८।। उवरिमतलम्मि पडिओ सो चिंतइ उत्तमस्स चित्तं व । जडसंगेण न भिन्नं तम्मज्झ ठियं पि भवणमिणं ॥२१९॥
Jain Education International 2010_04
For Private & Personal Use Only
www.jainelibrary.org
