________________
पण्णायरमंतिपुत्तकहा
२२९
सम्मदंसणचक्खू तेण वि मह नेव अवहरियं ॥१४॥ जइ मह दंसणनयणं उव्वरियं मंसखंड-नयणेहिं । ता पत्थरेहिं चिंतारयणं संरक्खियं मन्ने ॥१५॥ इत्तो य रायपुत्तं अदिस्सवयणं वियाणिउं मित्तो। तद्दसणचायत्थं मन्ने खित्तंतरे पत्तो ॥९६॥ कलविंकबहलकलयलरवेण कलिऊण सो निसा समयं । ठविऊण निययहियए देवं संथुणइ महुरसरो ॥९७॥ जय दुरियदवानलसलिलवाह ! जय वयणविजियसुरसरिपवाह ! । दुहसायरपडियालंबवाह ।. जय रायविवज्जियरिसहनाह ॥९८॥ अह तत्थरणिरमणिमयनेउरकलसद्दमिलियकलहंसा । हंसीगइंदगमणा सुरतरूणिसमूहपरियरिया ॥९९।। आसन्नसरसरोरुहनिवहं गहिऊण नहयलुच्छंगे । गच्छंती वणदेवी, तस्स सरं सुणिय संपत्ता ॥१०॥ निय अवहि मुणिय तत्ता, जंपइ हे वच्छ ! तुज्झ महुरसरं । सोउं सकरुणहियया, इह पत्ता सुणसु मह वयणं ॥१०१ ।। जइ मह पडिमं काउं, पूयसि निच्चं पि भत्तिसंजुत्तो । तो तुज्झ नयणजुयलं, संपइ जच्छेमि संतुट्ठा ॥१०२॥ सो आह मज्झ देवो, सुरिंद-असुरिदविहियपयसेवो । अरिहा नमंसणिज्जो, पूएयव्वो य झायव्वो ॥१०३॥ अह रुट्ठा वणदेवी, जपइ पाविट्ठ ! रायपुत्तेण । हरियं लोयणजुयलं, हरेमि तुह संपयं सीसं ॥१०४॥ किं नवि मनसि वयणं उवयारपराय मज्झ देवीए । सिद्धंते वि सुराणं अभियोगो कह वि न निसिद्धो ॥१०५॥ सो आह चक्खुजुयलं गच्छउ सीसं पि पडिउ महिवढे । जीयं पि जाउ नाहं निय सम्मत्तं विमुंचेमि ॥१०६॥ अह सा जंपइ सुपुरिस ! निच्चलचित्तेण तुज्झ संतुट्ठा ।
Jain Education International 2010_04
For Private & Personal Use Only
www.jainelibrary.org