________________
२२८
सिरिपउमप्पहसामिचरियं
इयं जंपंता पत्ता, पुणरवि गामंतरं एगं ॥८१॥ तत्थ य पहाणबंभणमेगं पुच्छंति नियविसंवायं । . सो आह भुवणमझे, धम्मु च्चिय सयलसुहहेऊ ॥८२॥ एस गिही समणो वा मिच्छो चउवेयपारगो अहवा । इह जम्मे वि विसेसा, विविहा दीसंति धम्मेणं ॥८३॥ अवहीरिय तव्वयणो, गच्छंतो पुण वि जंपए कुमरो । धम्माहम्मेसु फुडं, मह साहसु कमवि दिलृतं ॥८४॥ रुद्रुण तेण भणियं, अप्पं चिय मुणसु पयडदिळेंतं । जं पावपरो रना पुराओ निव्वासिओ सहसा ॥८५॥ सो जंपइ जइ अहयं, पावपरो अणुहवेमि पावफलं । ता धम्मिओ वि तं पि हु सहेसि रे कीस दक्खाणि ? ॥८६॥ दइओ वि आह अहयं, दुहिओ तुह पावमित्तसंसग्गा । घणसारं पि विणिस्सइ, खित्तं गुलियाइकुंडम्मि ॥८७।। इय तग्गिराइ कुद्धो, को बंधो मच्चु जीह समवन्नं । आयड्ढिय निय छुरियं, पाडइ पुहवीइ तं पावो ॥८८।। उवविसइ कंठदेसे, जंपइ मन्नेसु मज्झ भणियमिणं । अन्नह इहेव सीसं लणेमि तह नलिणनालं व ॥८९॥ मंति सुओ निय नियमं सुमरिय जंपेइ पलयकाले वि । नाहं धम्मसरूवं, विरूद्धरुवं परूवेमि ॥१०॥ रज्जं रोरत्तं वा हवेउ मरणं व जीवियं अहवा । छिज्जंते वि हु सीसे धम्मं न करेमि अपमाणं ॥९१ ।। अंधो अरनमज्ञ सहिओ दक्खाणि विविहरूवाणि । इय चिंतिय सो पावो तन्नयणे हणिय गच्छेइ ॥१२॥ इयरो वि पुव्वदिठं सउंत कोलाहलेण अणुमिणियं । गच्छइ निग्गोहतलं बंधइ अच्छीसु तह पढें ॥१३॥ परिभावइ सो हियए नूनं बहिरंगनयणघाए वि ।
Jain Education International 2010_04
For Private & Personal Use Only
www.jainelibrary.org
