________________
२२४
सिरिपउमप्पहसामिचरिय
परपासंडिपसंसा तेहिं सह संथवो य विचिकिच्छा । संका कंखा य इमे, अइयारे चइसु सम्मत्ते ।।३१।। सोऊण तस्स वयणं, मंतिसुओ केवलिस्स पासम्मि । पंच अइयारमुक्कं, सम्मत्तं गिण्हए सम्मं ॥३२॥ इत्तो य रायपुत्तो, नवजुव्वणनिविडणतिमिरपसरेणं । उवहयविवेयनयणो, अपहेसु पयट्टए निच्चं ॥३३॥ वसणाइसत्त सेवइ दुग्गइपत्थाण मंगलाणि व्व ।। जं जं पिच्छइ नयरे, रम्मं अवहरइ तं सव्वं ॥३४॥ सो मित्तवयणमंकुसमवगणियमयगलु व्व नयरम्मि । नरवइआणाखभं, उम्मूलिय भमइ सच्छंदं ॥३५॥ दुव्विलसिएण तस्स य महायणो दिव्वविलसिएणं व । पुण्णरहिउ व्व सव्वो, निच्च उव्वेइओ तइया ॥३६॥ समवायं काऊणं पवरजणो नरवरिंदपासम्मि । गंतुं विनविउमणो, चिट्ठइ मोणं समल्लीणो ॥३७॥ तो रना संलत्तं किं चिट्ठह संपयं पि भीय व्व ? । विनवह निययकज्जं नत्थिच्छलं इत्थ तुम्हाणं ॥३८॥ तेसिं एगो तत्तो, जंपइ नरनाह ! तुज्झ पुत्तेणं । नियकुलकित्तीए समं नयरी सव्वा वि उद्दविया ॥३९।। जइ तुज्झ जहत्थं चिय साहिज्जइ तो हविज्ज सो कुमरो । अम्ह विरुद्धो अन्नह, मयलिज्जइ सामि ! तुह वंसो ॥४०॥ तव्वयणमुणियतत्तो, राया वज्जरइ भणह मा एवं ।। जो जणविरुद्धकारी, सो सत्तू मज्झ न हु पुत्तो ॥४१ ।। । नियदेहसमुप्पन, लूयवियारं च विविहदुहहेउं । निच्चं विरुद्धकारि, पुत्तं पि चयंति सप्पुरिसा ॥४२॥ इय जंपिरो नरिदो, पउरसमक्खं कुमारमाहविउं । आइसइ मज्झ देसे, पाविट्ठ ! तए न ठायव्वं ॥४३॥ .
Jain Education International 2010_04
For Private & Personal Use Only
www.jainelibrary.org
