________________
२२२
साहू महव्वयधरा, खमा गुणेणं खमा तुल्ला ॥७॥ जं जह जिणेहि भणियं तं तह सव्वं पमाणमिहवयणं । इय संमत्तं तत्तं, पन्नत्तं वीयरागेहिं ॥८॥ जीवेहिं एगछत्तं रज्जं निरवज्जमहव देवत्तं । पत्तं अनंतसो विहु समत्तं नेव संपत्तं ॥ ९ ॥ जेहि वि मुहुत्तमित्तं सम्मत्तं कह वि फासियं ताण । आसायणबहुलाण वि परियदृद्धं भवो होही ॥१० ॥ अवि अविरइपरिणामा विसुद्धसम्मत्तमित्तमाहप्पा । तित्थंकरावि के वि हु हवंति किं वन्निमो अन्नं ॥ ११ ॥ भवभमणमूलकारणमणंतसिवसुहनिवारणं घोरं । मिच्छत्तं तित्थयरा परिहरणिज्जं परूवंति ॥ १२ ॥ हुणणं पिंडपयाणं सोमग्गहणाइलोयकिच्चाई | वज्जे कुलिंगसंगं लोइयतित्थे तहागमणं ॥ १३ ॥ अब्भासवसेणं चिय पायं जीवाण होइ पडिवत्ती । एएण कारणेणं हुणणाइ चयंति जत्तेण ॥१४॥ इहलोयपरलोइयसुहाण सव्वाणमाइमनिमित्तं । सम्मत्तं निरवज्जं गिण्हह छंडेह मिच्छत्तं ॥ १५ ॥ सम्मत्तं पालितो निच्चलचित्तो इहेव जम्मम्मि । पावइ रज्जं पुरिसो पन्नायरमंति - पुत्तो व्व ॥ १६ ॥ पण्णायरमंतिपुत्तकहा ताहि
-
कंचणमयपायारा, मणहरमणिरयण-निम्मियागारा । अत्थि पसत्थविहारा, सावत्थी नाम वरनयरी ॥ १७ ॥ अरिनारिपत्तवल्लरिसमूह - धाराल - परसु - सारिच्छो । राया महिंदपालो, तत्थ पुरे पालए रज्जं ॥ १८ ॥ तस्स य गइंदगमणा मिगनयणा-छण- ससंकसमवयणा ।
Jain Education International 2010_04
For Private & Personal Use Only
सिरिपउमप्पहसामिचरियं
www.jainelibrary.org
