________________
धम्मदेसणा
२२१
तित्थाभावेण सयं अकहिय जिनधम्मतत्तसंदोहा । गिहिणो चेव सिवसुहसंपत्ता जत्थ सेलम्मि ॥७१७॥ सिरिसत्तुंजयसेले तत्थसुरिंदेहिं भुवणनाहस्स । पउमप्पहस्स रइयं अच्छरियकरं समवसरणं ॥७१८।। नाऊण तत्थ पत्तं जयप्पहुमहमिगाए संपत्तो । बारसहिं जोयणेहिं, सुरट्ठदेसुब्भवो लोओ ॥७१९।। पउमप्पेहण पहुणा विसित्तु सीहासणम्मि निम्मविया । पायडियसत्ततत्ता परूवणा सव्वसत्तहिया ॥७२०॥ जालिहरगच्छनहयलमयंकसिरिदेवसूरिरइयम्मि । सिरिपउमप्पहचरिए सम्मत्तो दुइय पत्थाओ ।।७२१॥ इति श्री पद्मप्रभचरित्रे द्वितीयः प्रस्तावः ॥ एवं गा. २९०२ ॥
तइय पत्थावो विजयंतु पउमलंछण पहुणो कमकमलनहमणिमऊहा । पयडंता पणयाणं, सिवसहरज्जाभिसेयं व ॥१॥ परमं जणोवयारं, गणहारी सुव्वओ वियाणित्ता । तत्थेव समवसरणे, पुच्छइ पउमप्पहं नाहं ॥२॥ जयनाह ! समणधम्मे, असमत्थाणं कहेसु जिणधम्मं । समत्तजुयं बारस भेयं (देय) दिळेंतसंजुत्तं ॥३॥ अह बारस परिसासु बारस भेयं गिहीण वरधम्मं । सम्मत्तमूलमेयं, सामी कहिउं समारद्धो ॥४॥ तहाहिजिणधम्माणं मूलं सुभीमसंसारसिंधुपरकूलं । सिवसोक्खरुक्खमूलं समत्तं होउ किं बहुणा ॥५॥ मोहंधयारदीवो दीवो संसार-सायरे जेसिं । संमत्तपरीणामो करकमले ताण सिवसुक्खं ॥६॥ अरिहा भयवं देवा, गुरुणो समसत्तुमित्तपरिणामा ।
Jain Education International 2010_04
For Private & Personal Use Only
www.jainelibrary.org
