________________
हरिवाहणनिवकहा
२१५
देहं गेहं रयणा सयणा रामा हवंति आरामा । अभिरामा जइ जीवं जीवाणं हवइ सासइयं ॥६४१।। अनिल-हय-नलिणिनवचलदलग्गसंलग्गसलिलवचवले । जीवम्मि कह पयत्था,हरंतु हिययं मनुनावि ॥६४२॥ अयि कहवि संघडिज्जइ संखो जलही वि पिज्जए सलिलो । लवमवि व तुट्टमाउं सक्को सक्को वि संधेउं ॥६४३॥ विसयामिसलवगिद्धा तुच्छा पिच्छंति सासयं सव्वं । न मुणंति पवणचालियघणसरिसं चंचलं जीयं ॥६४४।। करवत्तियाए पविसिरनिग्गच्छिरसासलहरिपुवाए । दारिज्जमाणमाउयदारूं मूढा न पिच्छंति ॥६४५॥ तो अक्कतूलतरले निज्जयकल्लोललोलभावम्मि । जीयम्मि काउमुचियं बुहाण जणदेसिओ धम्मो ॥६४६॥ हरिवाहणनरनाहो अह पुच्छइ नाह ! कहसु मह जीयं । कित्तियमित्तं सेसं केवनाणी भणइ तत्तो ॥६४७॥ नवजामपमाणं चिय सेसं संपइ नरिंद ! तुह जीयं । सोऊण इमं चिंतइ राया मरणाउ बीहंतो ॥६४८॥ हा कह बहूवरिससया सयावि सुहलालसेण निग्गमिया । संपइ पत्ते मरणे सरणं कं जामि गयपुत्रो ॥६४९॥ इच्चाइ चिंतयंतो मुणिणा सो तेण पभणिओ राया । अज्ज वि न किंचि नटुं खेयं परिहरसु नरनाह ! ॥६५०॥ जइ बीहसि मरणाओ सासयसुक्खं महेसि जइ मुक्खं । पडिवज्जसु पव्वज्ज तत्तो जिणदेसियं सम्मं ॥६५१॥ अंतो मुत्तमित्तं विहिणा विहिया करेइ पव्वज्जा । दुक्खाणं पज्जंतं चिरकालकयाइ किं भणिमो ॥६५२॥ भणियं चजिणभवणबिंबकारणरहजत्तापमुहसव्वधम्माओ ।
Jain Education International 2010_04
For Private & Personal Use Only
www.jainelibrary.org
