________________
हरिवाहणनिवकहा
२१३
तनयरवासिननर-गण-मुहेण जाणंति ते इमं तत्थ । रनो अणंगलेहाऽवहारदुहतत्त-गत्तस्स ॥६१५।। सव्वो वि परिवारो, जिणिंद-खंधाइ-पूर्वणा पवरो । चिट्ठइ दुहिओ अहवा, जह राया तह पया इंति ॥६१६॥ कयसिद्धपुत्तरूवो, सिद्धिसुओ रायपाय-पासम्मि । गंतुं जंपइ नरवर !, संपइ मुंचसु विरहदुहं ॥६१७॥ वेरिपराजयसत्ती, सत्ती आयासगामिणि अस्थि । मह आकरिसणसत्ती, जं पभणसि तं करिस्सामि ॥६१८॥ उल्लसियमणो राया, जंपइ अस्थि कावि तुह सत्ती । देविं अणंगलेह, आणसु इह संपयं तत्तो ॥६१९॥ नरवरवयणाणंतरमेसो काऊण गरुयनीरगि । विहियथिरासणबंधो, हुकारं कुणइ अइतारं ॥६२०॥ कयसंकेया देवा, मुहुत्तमित्तेण नहयलपहम्मि । झत्ति विमाणारूढा, नरनाहसहाए संपत्ता ॥६२१॥ नियपाणपिया दंसणसुहारसासारसित्तसव्वंगो। उक्कंटइओ राया, कोहंडिफलस्स विंटं व्व ॥६२२॥ विहडिय पुण घडियाणं अणन्नचित्ताण ताण जं सोक्खं । . जायंतं जइ ताई मुणंति अहवा वि केवलिणो ॥६२३॥ सो आह सिद्ध-पुत्तो पुणरवि नरनाह । भणसु मणइट्ठ । किंचिवि तं पि हु काउं होसि कयत्थो अहं जेण ॥६२४॥ नियमित्ते सुमरित्ता राया जंपेइ मज्झ जइ मित्तो । आणेसि तओ तं चिय मन्ने तिहुयणजणब्भहियं ॥६२५॥ सो जंपइ हे लोए हंहो निवमित्त ! मज्झ वयणेणं । आगच्छसुं जं राया चिट्ठइ तुह विरहसंतत्तो ॥६२६॥ अंजियनयणो पुव्वं पत्तो सोऊण तस्सिमं वयणं । सो सुत्तहारपुत्तो निवमित्तो पायडो जाओ ॥६२७॥
Jain Education International 2010_04
For Private & Personal Use Only
www.jainelibrary.org
