________________
२१०
मारूयसु भीरू अम्हे नीयाए सत्तीए झत्ति दइएन । तुह जोगं करिहामो जइ साहसि अम्ह परमत्थं ॥५७६ ॥ तो जंपइ भोगावइनयरीनाहस्स इंददत्तस्स । हरिवाहण त्ति पुत्तो मह नाहो परिहसमबाहो ||५७७ ॥ नियमित्तजुयलजुत्तेण विहियदेसंतरेण तेणाहं । खयरपुरे पवरपुरे विजयजयंतेण परिणीया ॥ ५७८ ।। तत्तो समित्तवृत्तं तस्सवणसंजायपुलयपब्भारा । पायडिय - विणयसारा नमंति ते तीए कमकमलं ॥ ५७९ ॥ जंपंति हे महासइ ! भाउज्जायासि संपयं अम्हं । ते दो वि वयं मित्ता सह, जेहिं तुहप्पिओ चलिओ ॥ ५८० ॥ मा संपयं विसायं करेसु अप्पं च मुणसु पियपासे । नियदेवराणमवरं पि कज्जमाइससु जं कज्जं ॥ ५८१ ॥ करिमो देवविमाणं माणं सत्तूण घाइमो सहसा । सहसा समीहियत्थं पसाहिमो भुवणपच्चक्खं ॥ ५८२ ॥ मह पिययमस्स मित्ता इम त्ति अइमत्तहरिसपडिहत्था । सा जंप हे वच्छा, वंछियमत्थं कुणह हत्थं ॥ ५८३ ॥ पमित्तु ते वि तिस्सा पयपंकयमकयचित्तविक्खेवा | सेवा कज्जे सज्जा संपत्ता रायपासम्म || ५८४ || सा आह महीनाहो कत्तो देसंतराउ संपत्ता । नाणं विनाणं वा किमत्थि तुम्हं कयच्छरियं ॥ ५८५ ॥ जंपति ते वि रविणो रहमद्धपहे वि थंभिमो भुवणं । आजम्मवसे करिमो पयासिमो कऱगयं ससिणं ॥ ५८६ ॥ हर अद्धंगागोरि लच्छिं सरिवच्छवच्छमज्झाओ । आम किं बहुणा तं नत्थि जए न जं करिमो ॥ ५८७ || नरकुंजरनरनाहो जंपइ संपइ करेह हे वीरा ! । आजम्मं मज्झ वसे तं कंचुयसामिणिं रमणिं ॥ ५८८ ॥
Jain Education International 2010_04
सिरिपउमप्पहसामिचरियं
For Private & Personal Use Only
www.jainelibrary.org
