________________
२०६
सिरिपउमप्पहसामिचरियं
जल-देवयाए वण-देवयाए पायाल-कन्नयाए वा । जल-केलि-पसत्ताए, मन्ने मच्छेण गिलियमिमं ॥५२४॥ तो सयल-रयण-सामियं कंचय-रयणं इमं पि गिण्हेस । इय भणिय कंचुयं सो मुंचइ नरनाहउच्छंगे ॥५२५॥ तं तरुणिमणहरस्सं व कुसुमसररायगुटुरं अहवा । रायमयं पिव दळं राया रायाउरो जाओ ॥५२६॥ सो चिंतइ सा तरुणी-निज्जिय-सुर-तरुणि-रूव-सव्वस्सा । केरिसरूवा होही, जीइ इमो कंचुओ दिव्वो ॥५२७॥ केण उवाएण इमा, नायव्वा केण वा वि गहियव्वा । इय चितंतो पत्तो, राया निययम्मि पासाए ॥५२८।। अहिभारो विव हारो, अंगारसमो य अंगसिंगारो । मारो विव परिवारो, खारो विव वेससंभारो ॥५२९॥ मरणं पिव वर-भवणं, दाहो विव परियणाण संलावो । रायमय-रस वि रनो वि रायरूवं जयं जायं ।।५३०।। सो आह नियमति जीएणं मज्झ तुज्झ जइ कज्जं । तो कहवि दिव्वकंचुअ-सामिणि रमणिं मुणिज्जासु ॥५३१ ।। तो मंती नेमित्तिय-जाणग-जोसि य सिद्धपुत्ताई । . पुच्छितो वि न पावइ सुद्धि लच्छिं व गयपुत्रो ।।५३२॥ तत्तो रायदुहत्तो सत्तहिं दिवसेहिं वित्त-चाएण । रज्जाहिदेवयं सो आराहइ भत्ति-संजुत्तो ।।५३३॥ ललियकरकलियकमला कमलमुही हेमकमलमासीणा । पयडा होउं लच्छी जंपइ हे वच्छ ! वरसु वरं ॥५३४।। सो आह रज्जसामिणि ! कंचय-रयणस्स सामिणिं तरुणिं' आणित्तु मज्झ पहुणो अप्पसु बहुणा किमनेण ॥५३५॥ सा जंपइ तं कज्जं कज्ज सहलं हवेइ जं कह वि । निप्फलकज्जारंभो पच्छातावं पयच्छेइ ॥५३६॥
Jain Education International 2010_04
For Private & Personal Use Only
www.jainelibrary.org
