________________
देसणा
१९५
वररयणदित्तिलहरी संहारियतिमिरपब्भारं ॥३८२॥ चंडंतरारिखंडणपयंडभामंडलं जयइ तुज्झ । जय नाह ! विजियसारय-सहस्सकर-मंडलं रम्मं ॥३८३।। सुरकरताडिज्जतो, निज्जियजलवाहतारसंरावो । तुह जसबंधुर-सिंधुर-पडहो वि व दुंदुही जयउ ॥३८४॥ सारयमयंक-धवलं तिजइक्कपहस्स तुज्झ जिणनाह ! छत्तत्तयं पहत्तं, पयासयं तं सया जयउ ॥३८५।। दुट्ठट्ठकम्मसमुदयनिट्ठावणसाहयाणि जयपहुणो । निच्चं हरंत दरियं, अट्ठमहापाडिहेराणी ॥३८६।। एवं थोऊण जिणं, सक्को ठाणम्मि विसइ निययम्मि । विसयविसहरण जय पवयणामयपाणपरितिसिओ ॥३८७॥ अह बारसपरिसासं, जोयणनीहारिणीए वाणीए । सिरि पउमप्पहनाहो, कयसिवसम्मं कहइ धम्मं ॥३८८॥ इह नरभवाइदुलहं, लहिऊणं सव्व-धम्मसामग्गिं । कुणइ पमायं जो असि-घायं सो देइ अप्पस्स ॥३८९।। तरवारि-वेरि-केसरि-दावानल-गरल-वाल-वेयाला । न तहा कणंति कविया, सेविज्जतो जह पमाओ ॥३९०॥ जो खल पमायसेवी, चउदसपव्वी वि वीयरागो वि । सो भमडइ संसारे, असार-अइ-विरस-ववहारे ॥३९१ ।। भणियं च - चउदसपव्वी आहारगा वि मणनाण-वीयरागा वि । हुति पमायपरवसा तयणंतरमेव चउगइया ॥३९२॥ इहलोए परलोए, तिक्खं दुक्खं हवेइ जीवाणं । जं तस्स मूलकारणमेसपमाओ समक्खाओ ॥३९३।। लोए वि जो पमाई, न किंचि तुच्छं पि कुणइ सो कज्जं । सज्जो उज्जमसज्जो, समीहियं साहए सव्वं ॥३९४॥
Jain Education International. 2010_04
For Private & Personal Use Only
www.jainelibrary.org
