________________
१९४
सिरिपउमप्पहसामिचरिय
तह दक्खिणदारेणं, पविसिय जम्मावरम्मि कोणम्मि । चिट्ठति भवण-जोइस-वंतरदेवीओ विहिपव्वं ॥३७०॥
अह पच्छिमदारेणं, विहिणा तेणेव पविसिउं कमसो । निवसंति भवण-जोइस-वंतरतियसा य वायव्वे ॥३७१ ॥ अह उत्तरदारेणं, पविसिय देवा नरा य नारीओ । तणेव पव्वविहिणा, ईसाणदिसाए ठायति ॥३७२।। तत्थ महिड्ढियमितं, नमंति वच्चंति ठियमवि नमंता । पव्वकयविरोहाण वि तेसिं न वेरं न वा पीडा ॥३७३।। सासइयं पि हु वेर, चइत्त तिरिया य बीयवप्पस्स । मज्झे तइयस्संतो, चिट्ठति य वाहणा सव्वे ॥३७४॥ तिण्हं पायाराणं, बाहिं दीसंति कारणवसेण । निगच्छंतविसंता, के वि ह तिरिया नरा अमरा ॥३७५॥ पउमप्पहजिणनाहं, सक्को नमिऊण हरिसपडिहत्थो । संथुणइ अमयसारणि-सरिसाए महुरवाणीए ॥३७६।। तथाहि - जय पउमप्पह सामिय ! नामिय मोहाइसत्तुसमवाय ! जयसिद्धिसुसीमंतणि सीमंतनमंत कप्पदुम ॥३७७।। तुह पहु ! असोयरुक्खो, लोयमसोयं करेइ कयसुक्खो । पावियसामि तुमयं, चल-दल-छउमेण नच्चंतो ॥३७८॥ जयउ अहोमुहविंटा, जाणुपमाणा सुरेहिं परिमुक्का । तुह नाह ! कुसुमवुट्ठी, दिट्ठीणं अमयवुठ्ठि व्व ॥३७९॥ समकालविविहजणमणअसंखसंदेहहारिणी वाणी। अमयसिरिलहरिसरिसा, विजयउ संहरिय विसयतिसा ॥३८०।। अक्खेवमक्कसिवबहकडक्खविखेवलहरिसारिच्छं । तुह जयउ अमरचालियचामरजुयलं महाधवलं ॥३८१ ॥ तह परीससीह ! सीहासणमसमं जयउ कम्मनिम्महणं ।
Jain Education International 2010_04
For Private & Personal Use Only
www.jainelibrary.org
