________________
१९०
नीसेस दुक्खकारणवारणमसमाणपारणं तुमए । पहुणा कारितेणं, वसीकया मुक्खलच्छी वि ॥३२०॥ इय जंपिय तियसेसुं, गएसु विहवेणतेण सव्वेण । पहुपयपवित्तठाणे, पीढं निम्मावए एसो ॥ ३२१ ॥ तेहि वि नवसमणेहिं केहिं वि गंतूण कस्स वि गिम्मि । तत्थेव बंभथलए, पारणयं निम्मियं विहिणा ॥ ३२२ ॥ नियदंसणेण दिंतो, जणाणमाणंद - अमयवुट्ठिं व । जयनाहो मगहाइस आयरियदेसेसु विहरिंसु ॥ ३२३ ॥ गुरुगिरिसिहरसएसुं ससलिलकूलं कसाणकुलेसुं । दुसह सहेइ सीयं, काउसग्गे ठिओ नाहो || ३२४ ॥ नवनलिणिपत्तकोमलमंगं चंगं पि सिद्धिसुहकामी । सामी अणविक्खतो बावीस - परीसहे सहइ || ३२५ || रयणी जाणुणा जं दिणसमए भाणुणा य संज्झासु । दो वि किसाणा तह नीयं सीयं दरिद्देहिं ॥ ३२६॥ उक्तं च
रात्रौ जानुदिवा भानुः कृशानुः संध्ययोर्द्वयोः । लोके नीतमितिशीतं जानुभानुकृशानुभिः ॥३२७॥ तं सीयं दुहवियं, कम्मसमूहं सया वि जगनाहो । कंपाविंतो वि सहइ, लब्भइ कट्ठेहिं खलु इट्ठे ॥३२८॥ जम्मि वसंते पत्ते, तरु वि सहस त्ति हुंति सवियारा । तत्थ विवियाररहिओ, तिव्वतवं तवइ जयनाहो ॥ ३२९ ॥ परपुट्ठलट्ठकलयलतक्खणसंहरियमाणिणीमाणे । सिंगाररहस्स मए, महुसमए पगरिसं पत्ते ||३३० ॥ जह पहिया नियदइया, मिलणत्थं इंति नियगिहं तह सो । केवलसिरिमिलणत्थं, विहरित नियत्तिउं भयवं ॥३३१ ॥
Jain Education International 2010_04
For Private & Personal Use Only
सिरिपउमप्पहसामिचरियं
www.jainelibrary.org
