________________
१८८
सिरिपउमप्पहसामिचरियं
चरणपडिवत्तिसमयं सक्को नाऊण हत्थ-सनाए । तं तुराण विरावं बहलं तमलं च वारेइ ॥२९४॥ कत्तियमासे तेरसि तिहीए किण्हाए चित्तनक्खत्ते । छट्टेणं अवरण्हे पउमंको पच्छिमवयम्मि ॥२९५।। सिद्धाणं नमक्कारं काऊणं भणइ भवणपच्चक्खं । सव्वं पि अकरणिज्ज सावज्जं मज्झ आजम्मं ॥२९६।। मणहारिलक्खमुल्लं दिव्वं दूसं जिणस्स खंधम्मि । सक्को चरण-धंराए सव्वं(च्चं)कारं व निक्खिवइ ॥२९७॥ मणपज्जववरनाणं विसुद्धलेसस्स माणसे पहुणो । पयर्ड जायं तइया सरयमिव कमलं निउरंबं ॥२९८।। ते वि हु सहस्स मित्ता पहुणो मित्ता विरत्तवरचित्ता । जयगरुमणगच्छंता हत्थं दिक्खं पवज्जति ॥२९९॥ सक्कोवणीयउवगरणधारया असुरसुरनरिंदेहिं । भणिया धण्णा तज्झे जे पहमगं समल्लीणा ॥३०॥ जिणनाहं वंदित्ता कोसंबिपरीए जंति जायाई । नंदीसरम्मि इंदा वयंति अट्ठाहियाकज्जे ॥३०१ ।। पउमप्पह-जिणनाहो, पलंबबाहो इमम्मि उज्जाणे । चिट्ठइ काउंसग्गे, अचलो उवसग्गवग्गेवि ॥३०२॥ काउसग्गदिएहिं अहिणवसमणेहिं तेहिं संजत्तो । हिमवंत-पमह-कलगिरि-परियरिओ सहइ मेरु व्व ॥३०३।। आणाविचय-अवाए विचाय- संठाण-विचयभेएहिं । धम्मज्झाणे चउरो, झायइ सो तीए रयणीए ॥३०४।। अह उदयधरणिधरसिरकसंभसेहरसमाणमहिमम्मि । अहिमकरे विलसंते, विहरइ सह तेहिं जयनाहो ॥३०५॥ गत्तीहिं तीहिं गत्तो, समिओ समिईहिं पंचहिं सामी । सह तेहिं बंभथलयं अहिणवसमणेहिं संपत्तो ।।३०६॥
Jain Education International 2010_04
For Private & Personal Use Only
www.jainelibrary.org
