________________
दीक्खागहण
१८७
हम्मियमालाहिं कया अवरा कोसंबिनयरि व्व ॥२८१ ।। सुर-असुर-खयरनिवहा, संखा रहिया नहेण भूमीए । नरविसरा संचलिया, चलिए पउमप्पहे नाहे ॥२८२॥ पडुपयड-पाड-पडहा, असंखसंखा य मंजुलमउंदा । उत्ताल-कंसताला, भंकाररवाय भेरिओ ॥२८३।। अवरे वि बक्क-ढक्कापमहा भूमीइ नरसमूहेहिं । अहमहमिगाए गयणे सुरेहिं संताडिया तत्तो ॥२८४।। मणहारि अंगहारेस, चारुचारीस विहियरिंभा । रंभा सामिस्स पुरो, ललियं नटं पयट्टेइ ॥२८५॥ अवरे वि तुंबराई, वीणापमुहाणि तत्थ वायति । गायति सामिगणगणमसमं हा हा इया तइया ॥२८६॥ बंदीहिं पढिज्जतो, पिच्छिज्जतो य नयरनारीहिं । अविहव-कल-तरुणीहिं, गिज्जतो मंगल-सएहिं ॥२८७॥ परियरिओ सो कमसो सहस्सवररायपत्तमित्तेहिं । जयनाहो संपत्तो सहसंबवणम्मि उज्जाणे ॥२८८॥ तं च केरिसं - मिउसुरहि-पवण-चंचल-साहा-विग़लंत-फुल्ल-फुल्लेहिं । जयनाह-चरणपुरओ मुंचइ कुसुमंजलिं सहसा ॥२८९।। नच्चइ व चवलसाहा-भयाहिं हसइ व्व हसिय-कसमेहिं । सोउं जिणिंद-चरियं सिहरेहिं सिरे धणेइ व्व ॥२९०॥ अंतेउरं व सिवियं चइत्तु उज्जाण मज्झ देसम्मि। गंतं आभरणाणं संभारं चयइ भारं व ॥२९१ ।। कुंतलकलावमसमं उप्पाडइ पयडसाहसो नाहो । चेलंचलेण सक्को पडिच्छए चिहुरपब्भारं ॥२९२॥ सक्केण रुयगमरगयमऊहकालिंदिलहरिसारिच्छा । विनविय जिणं नीया केसा खीरोय जलहिम्मि ।।२९३॥
Jain Education International 2010_04
For Private & Personal Use Only
www.jainelibrary.org
