________________
१८२
सिरिपउमप्पहसामिचरियं
संपज्जंतसमीहियसमग्गभोगंगवत्थुवित्थारो । दुलहं सुरासुराण वि भोग-सुहं भुंजए नाहो ।।२१८॥ नव-नव-सह-संदोहं, अणुहवमाणस्स तस्स वोलीणा । पहणो कुमारवासे, पव्वाणद्धढमालक्खा ॥२१९॥ पउमप्पहस्स पहुणो, समवयवेसापहाण कुलजाया । मित्ता अभिन्नचित्ता, दससय संखा तया जाया ।।२२०।। सह तेहिं भुवणनाहो, रम्मारामेसु सिहरि-सिहेरसु । सरसि-रुह-कलिय-सरवरएस विलसेइ सच्छंदं ॥२२१ ।। गहगणरिक्खगणेहिं जामिणी नाह व्व जूहनाहो व्व । करि-कलह-सहस्सेहिं, परियरिओ तेहिं सो भाइ ॥२२२॥ जयगुरुपसायसुहिया, मित्ता मनंति निययचित्तम्मि । एसो पहू पमाणं, जयनाहो सव्व कज्जेस ॥२२३॥ रूवविणिज्जियमारं, पिच्छिय नियसत्ति निज्जियकुमारं । पउमप्पहं कुमार, रज्जधराधरणधोरेयं ॥२२४॥ धरनरनाहो चिंतइ, रज्जं एयस्स निययतणयस्स । दाउं किं नियमत्थं, नज्ज वि साहेमि मोहंधो ॥२२५।। जो गिद्धो सिद्धि-सहं, मूढो परिहरिय-सेवए विसए । सो अमयं चइऊणं तिसिओ हालाहलं पियइ ॥२२६॥ आमिसगिद्धो गिद्धो परमन्नं चइय गसइ सव-मंसं । जह तह लुद्धो चइडं, पसमसुहं सेवए विसए ॥२२७।। भणियं च - जह कागणीए हेडं कोडिं रयणाण हारए कोइ । तह तुच्छ विसयगिद्धा, जीवा हारति सिद्धिसुहं ॥२८/ इच्चाइ चिंतइत्ता रज्ज पउमप्पहस्स दाऊणं ।। अप्पहियं काऊणं, पत्तो ईसाणकप्पम्मि ॥२२९।। सिरि पउमप्पहपहुणो, जणणी जिण-धम्म-कम्म-उज्जुत्तो ।
___Jain Education International 2010_04
For Private & Personal Use Only
www.jainelibrary.org
