________________
जम्मवण्णणं
१८१
जह तह सया वि उत्तमसंसग्गो चेव कायव्वो ॥२०५।। पत्तो कमेण सामी, रवन-लावन-लहरि-सरि-सरिसं । उद्दामकाम-सिंधर-विरुवणं चारु-तारुण्णं ॥२०६॥ कासवगत्तो भयवं चित्ता रिक्खो य कन्नरासी य । अड्ढाइज्जसयाई, धणुणि देहेण तह उच्चो ।।२०७।। काणणसिरि व्व महुणो, आणणलच्छी व नव्व-कव्वेण । तारुण्णेण रवण्णा, सविसेसं नाहदेहसिरी ॥२०८।। तथाहिकंचणकवाड-संपड-पिहलं, वच्छत्थलं तओ जायं । नज्जइ रज्जसिरिए, रमणिज्जं विउलसयणिज्जं ।।२०९॥ उदंड-बाहुदंडा, पहुस्स रेहति दीहरा दो वि । जिणलच्छि-रायलच्छी, करिणी आलाणखंभ व्व ॥२१०॥ चरणेस रत्तकोमल-कमल-सरिच्छेस जस्स नह-निवहा । रेहति तरणि-किरणा, थवक्किया अंगलिदलेस ॥२११॥ रेहइ से सिरिवच्छो, वच्छयले जम्म-समयसंसिद्धो । सुह-निवह-निहि-सरिच्छे, मुद्दामुदं पयासंतो ॥२१२॥ कुरुविंदहेमकंदलकुंकुमवनो सहेइ जयनाहो । नव नव लच्छिसमागमसमए निच्चंगराउ व्व ॥२१३।। दठुमसंभविरूवं, तं अभिरूवं समग्गभवणेसु । सुरकामिणि-निवहो वि हु, हवंति कामाउरा सहसा ॥२१४॥ जीहाण सहस्सेहि,जगंतकोडीहिं तस्स पच्चंगं । लच्छिं निव्वळेउं सक्कइ सक्को न सक्कइ वा ॥२१५॥ भोगसुहेसु समत्थं धरनरनाहो मुणित्तु जयनाहं । कारइ पाणिग्गहणं जियसर-तरुणीहिं तरुणीहि ॥२१६॥ सामी वि भोगकम्म, सम्मं नाऊणमप्पणो तइया । मोणं करेइ गरुया, सव्वं कुव्वंति समयम्मि ॥२१७।।
Jain Education International 2010_04
For Private & Personal Use Only
www.jainelibrary.org
