________________
१७८
सिरिपउमप्पहसामिचरियं
एवं थोऊण जिणं सक्को निम्मविय पंचवररूवो । काऊण जिणं अंके कोसंबी सम्मुहो चलिओ ॥१६७॥ वच्चंति झ त्ति इंदा अन्ने नंदीसरम्मि दीवम्मि । रूएहिं मुक्कदेसा हरंति न मणो मनुन्ना वि ॥१६८।। जिणजम्मभवणमज्झे सक्को गंतूण हरिय पडिबिंबं । पउमप्पहजिणनाहं मुंचइ जणणीइ पासम्मि ॥१६९।। दिव्वं दुकूल-जुयलं, कुंडल-जुयलं च भुवणमणहरणं । उस्सीसयम्मि पहुणो, मुंचइ अविमुक्कभत्तिभरो ॥१७०॥ दिट्ठिविणोयणकज्जे, विचित्तरयणेहिं हारि-हारेहिं । संजुत्तं कणयमयं, चंदोदयमज्झयारम्मि ॥१७१॥ सिरिदामगंडमेगं, ठविउं अवसोयणिं च देवीए । संहरइ तियसनाहो, कइरविणीए ससंको व्व ॥१७२॥ आणवइ धणयमेसो, हिरण्ण-वर-रयण-कणय-कोडीणं । बत्तीसं पत्तेयं अविलंबं एत्थ वरिसेस ॥१७३।। नंदासण-बत्तीसं तहेव भद्दासणाण बत्तीसं ।
आभरण-वत्थपमुहं, अन्नं सव्वं पि मणहरणं ॥१७४।। संसारियसोक्खाणं कारणमसमाणमल्लपरिकलियं । सिरिपउमप्पहपहुणो इमम्मि भवणम्मि मुंचेसु ॥१७५।। सक्कस्स समाएसा वेसमणो जंभगेहिं देवेहिं ।। सव्वं तिहत्ति कारइ जइ पहु-भत्तीइ के मंदो ॥१७॥ सक्को किंकरनियरं जंपइ घोसेह सुरनिकाएसु । चउसु वि सव्व समक्खं एयं उद्दाम-सद्देण ॥१७७॥ जिणजणणीए जिणस्स व जो पडिकूलं वि चिंतिही तस्स । सीसं अज्जयमंजरि दिळंता फुट्टिही सयहा ॥१७८॥ किंकरनियरा सव्वं तह त्ति गंतूण झ त्ति घोसति । को खल लंघइ पहुणो, पयंड-दंडस्स इह वयणं ॥१७९॥
Jain Education International 2010_04
For Private & Personal Use Only
www.jainelibrary.org
