________________
१७०
सिरिपउमप्पहसामिचरिय
परिभाविय नरनाहो, जंपइ रंभोरु ! निच्छियं तुज्झ । संसार-जलहि-दीवो, जगप्पईवो सुओ होही ॥६३॥ एवं ति भणेऊणं, गंतूण नियम्मि वास-भवणम्मि । सुकहाइ विणोएहिं,चिट्ठइ सा तीए रयणीए ॥६४।। चलियसणा सरिंदा, नाउं नाणेण चवण-कल्लाणं । सिरि-पउमप्पह-पहणो, देवी भवणम्मि संपत्ता ॥६५॥ ति-पयाहिणा-पुरस्सरमिंदा, पणमंति देवि-पय-जुयलं । थुव्वंति सुहासारणि-सरिसाए महुरवाणीए ॥६६॥ नर-विसर-सिरोरयणं, जं उयरे धारिओ जिणो तुमए । पुत्तवईसु सुसीमा, तेण जहत्था तुम हवसि ॥६७॥ तियण-पईव-धारिणि, तिहुयण-जण-दुक्ख-हारिणि ! नमो ते । तित्थयर-रयण-धारिणि ! तज्झ नमो पण वि तज्झ नमो ॥६८॥ एमाइ संथवित्ता जिणिंद-जणणिं च नमिय सुरवइणो । नंदिसरम्मि गंतं, कणंति अट्ठाहिया महिमं ।।६९॥ उदयम्मि दिवसनाहे, नरनाहो उवविसत्तु अत्थाणे । आहवइ उवज्झाए, सुविणाण विसारए धणियं ॥७०॥ नरनाहनिरा हविया, निवोवणीयम्मि आसणे ते वि । उवविट्ठा नरवइणो, कुसमफलाईहिं उवयरिया ॥७१॥ पुट्ठा रत्ना दिट्ठा, मज्झ ससीमाए पट्ट-देवीए । चउदस-समिणा तेसिं, मज्झ वियारं फुडं कहह ॥७२॥ जंपति तेवि सत्थे, सुविणा बावत्तरी विणिदिट्ठा । तीसं तेसु विरुद्धा, सुपसत्था तह बयालीसं ॥७३ ।। तत्थ वि चउदस समिणे, जिण-जणणी-चक्कवट्टिजणणीए । हरि-जणणी सत्त तहा, हलि-जणणी पिच्छए चउरे ॥७४॥ अवसेसउत्तमाणं, जणणी इक्कं निएइ वर-सुमिणं । ता देव ! तुज्झ पुत्तो, होही देवाहिदेवो त्ति ॥७५॥
Jain Education International 2010_04
For Private & Personal Use Only
www.jainelibrary.org
