________________
सिरिपउमप्पहसामिचरियं
पउमप्पहजिणिंदस्स तइय भवो - जंबद्दीवे दीवे, भारहवासम्मि वच्छदेसस्स । मंडणमखंड-सोहा, कोसंबी नाम वरनयरी ॥१२॥ धणिगण-कणय-विणम्मिय, नव-नव-भवणाण जत्थ निम्माणे। कंचण-गहण-भएणं, मन्ने मेरू ठिओ दूरे ॥१३॥ रयण-विणिम्मिय-मंदिर-निम्माणे जत्थ विविह-रयणाणं । अवहारभया जलही, पायाले खिवइ रयणाणं ॥१४॥ अब्भंलिह-जिणमन्दिर-अप्फलिय-रहस्स जत्थ दिनमणिणो । आमल-सारय-छउमेण, चक्कं पडियं व पडिहाइ ॥१५॥ तत्थप्फालण-समए, तत्थो कत्थ वि गओ त्ति मन्नेमि । एगो तरओ तेणं, सो सत्तासो तया जाओ ॥१६॥ एक्को परीए दोसो, गणगणमइयाइ तीय जं तत्थ । मायंग-संग-वसणी, मेइणि-रमणी सयं राया ॥१७॥ बिइओ वि तीए दोसो, नाणाविह-वत्थ-निवह-भरियाए । निउणं निरिक्खओ वि ह, कत्थ वि अत्थी न दीसेइ ॥१८।। तइओ वि तीए दोसो, कालागुरु-धूव-धूम-रिछोली । सविचित्त-चित्तभित्तिं, अइकसिणं कुणइ जं कसिणं ॥१९॥ अत्थि चउत्थो दोसो, दिणम्मि रविकंत-रयण-जलणेहिं । दुस्संचारा मग्गा, निसाए ससिकंत-सलिलेहिं ॥२०॥ तत्थ य नमंत-सामंत-मउड-माणिक्क-मसिण-पय-वीढो । भूयंदड-मित्त-लीलाउंदरियधरो धरो राया ॥२१॥ निच्चं चिय इक्को वि हु, असंख-जण-माणसेस निवसंतो । जस्स जयरायहंसो, अमंथरो भमइ भवणेसु ॥२२॥ जस्स य पयाव-दावो, अरिनिवह-अकित्ति-धूमसंचलिओ । सव्वत्तो पसरंतो, न य वनमंकूरियं कुणइ ॥२३॥ जलिरे पयाव-जलणे, वेइसरिसेसु कित्ति-खंभेसु ।
Jain Education International 2010_04
For Private & Personal Use Only
www.jainelibrary.org
