________________
१६२
सिरिपउमप्पहसामिचरिय
अपराजितराजेन्द्रो, मुनीन्द्रस्य गिरा तया ।। चमत्कृतः समं लोकैः, प्रविवेश निजां पुरीम् ॥११८॥ बाह्यान्तरङ्गशत्रूणां, जयं कुर्वन् निरन्तरम् । ऋद्धं राज्यमयं चक्रे वर्षलक्षाण्यनेकशः ॥११९।। इत्यरङ्गकथा समाप्ता (गा. ४१५) समयंतरम्मि राया, चरिमे जामम्मि सो तिजामाए । चिंतइ चित्ते धन्ना, ति च्चिय मनेमि सप्परिसा ॥१॥ भवतत्तं मुणिऊणं, झ त्ति विरत्ता कमेण निव्वाणं । साहति हंत ! नाणं, तं चिय जं किज्जए किरिया ॥२॥ जावऽज्ज वि मह देहो विज्जइ चरणस्स साहणसमत्थो । ता परलोयहियत्थे, सम्मं महं उज्जमिस्सामि ॥३॥ तत्तो पभाय-समए, पत्तो जत्तो जइहिं आरामे । पिहियासवाभिहाणो सूरी छत्तीस गुणकलिओ ॥४॥ वणपालमुहवियाणिय मुणिनाहागमणतक्खणपहट्ठो । मुणिनाहपणामत्थं, सो वच्चइ गरुयरिद्धीए ॥५॥ पंचविहाभिगमेणं, चइऊणं पंचरायकउहाई । पंचंगपणामेणं नरनाहो नमइ मुणिनाहं ॥६॥ अपराजियपमुहाणं, नमिय निविट्ठाण महुरवाणीए । सो पिहियासवसूरी, एवं तत्तं परूवेइ ॥७॥ इहलोए परलोए, समीहमाणेहि सक्खसंदोहं । कायव्वा भव्वेहिं विरई संगाण सव्वाणं ॥८॥ उक्तं च - यत् सर्वविषयकाङ्क्षोद्भवं सुखं प्राप्यते सरागेण । तदनन्तकोटिगणितं, मुधैव लभते विगतरागः ॥९॥ सोऊण इमं राया, विसयविरायं मणम्मि कलयंतो । गंतूण नियं तणयं, रज्जे अहिसिंचए सहसा ॥१०॥ अहिणवनिवस्स सिक्खं, वियरइ अट्ठाहिया महामहिमं ।
Jain Education International 2010_04
For Private & Personal Use Only
www.jainelibrary.org
