________________
सुरसुंदररायकहा
लोकभावना पंचत्थिकायमईओ, असंखदीवोदहीहिं परिकलिओ । ... लोगो जिणेहिं कहिओ, चउदसउड्ढायओ रज्जू ॥१७२२॥ बालग्गकोडिमित्तं, ठाणं तं नत्थि तिहुयणे जत्थ । जीवहिं जम्म-मरणा, अनंतखत्तो न संपत्ता ॥१७२३॥ बोधिदुर्लभभावणा जइ इत्तिय जम्मेसुं, लद्धा बोही हविज्ज संसुद्धा । ता इत्तिय भवभमणं, न होज्ज कइया वि जीवाणं ॥१७२ ४।। लब्भइ संखहरत्तं, चक्कहरत्तं कयावि इंदत्तं । कयघणकम्मविसोही, जिणमयबोही पुणो दुलहा ॥१७२५॥ इय भवभमणविणासणभावणनिवहं विभावयंतस्स । तस्स सवस्स समीवे ठियस्स तइया नरिंदस्स ॥१७२६॥ खीणे घाइचउक्के, पयडियनीसेसदव्व-पज्जायं । लोयालोयपयासं, केवलनाणं समप्पनं ॥१७२७॥ अह आसनसुरेहिं, सवमवणित्त सायरे खित्तं । भणिओ राया गिण्हस, जइलिंग जेण पणमामो ॥१७२८।। काऊण पंचमट्ठियलोयं गिण्हित्त समणजणलिंग । सवियासहेमपंकयमासीणो साहए धम्मं ॥१७२९।। पत्थावे सचिवेहिं, पढें मणिनाह! सा तया मरिउं । लीलाकमारी देवी, उववना कत्थ? साहेस् ॥१७३०॥ सो मुणिनाहो जंपइ, एसा मरिऊण पढमकप्पम्मि । जाओ तियसो भासरदेहो वररिद्धिसंपन्नो ॥१७३१॥ तत्तो चविउं नयरे, नंदणनामम्मि हविय निवतणओ । नामेण जयमयंको, लहिस्सए सासयं सुक्खं ॥१७३२।। सुरसुंदरनिवरज्जे, सचिवेहिं तस्स नंदणो तइया ।। लीलाकुमारिजाओ, अहिसित्तो सुरकुमारो त्ति ॥१७३३ ।।
Jain Education International 2010_04
For Private & Personal Use Only
www.jainelibrary.org
