________________
१३४
सिरिपउमप्पहसामिचरियं
जह नावा सयरंधा, जलेहिं भरिया निमज्जए सलिले । आसवदारेहिं तहा, भवनवे मज्जए जीवो ॥१७१२॥ (संवरभावणा) . पिहिएसं रंधेसं, पविसइ नावाइ नेव जह सलिलं । तह आसवसंवरणे, पावजलं जीव-नावाए ॥१७१३।। जं जं आसवदारं, जेणं जेणं निरंभए सहसा । वरसंवरेण तं तं, जोएज्जा तत्थ उवउत्तो ॥१७१४। कोहं खमाए माणं, मद्दवभावेण अज्जवेणं च । मायं. लोभं निच्चं, संतोसेणं निलंभिज्जा ॥१७१५॥ सम्मं सम्मत्तेणं मिच्छत्तं अविरई च विरइए । उज्जमपमुहेहिं तहा पमायपमुहे निरंभिज्जा ॥१७१६।। (निर्जराभावणा) चिरसंचियकम्माणं, निज्जरणेणं च निज्जरा भणिया । सा उण जिणेहिं कहिया, दुहा सकामा अकामा य ॥१७१६।। संजमरयाण पढमा, अवरा अवराण चेव जीवाणं । जं कम्माणमुवाया, संओवपागो फलाणं व ॥१७१७।। सज्झइ तवसा जीवो, सज्झइ कणयं पि दहणदाहेण । कयगेण जलं सुज्झइ, सुज्झइ खारेण वरवत्थं ॥१७१८॥ धर्मभावना सयगेव इमो धम्मो, जिणेहिं कहिओ जणाण हियकारी । भवज दितारणखमो, तो इह वज्जिज्ज संदेहं ॥१७१९॥ खंतीपमहो दसहा, जइ-धम्मो जीवघाय-चायाई । बारसहा गिहिधम्मो, कुज्जा दविहं पि हियकामो ॥१७२०॥ लोउज्जोयनिमित्तं, सासयकालं भमंति जं गयणे । ससि-सूरा तं जाणस, अवियप्पं धम्ममाहप्पं ॥१७२१॥ जिनैः स्वयमाख्यातो धर्म :
Jain Education International 2010_04
For Private & Personal Use Only
www.jainelibrary.org
