________________
१३२
सिरिपउमप्पहसामिचरियं
झ त्ति विरत्तो चिंतइ, हा! करण्याए कारणे अप्पा । सुचिरं विलवंतेणं, वेलविओ इत्तियं कालं? ॥१६८९॥ जेसिं कज्जे किज्जइ, पावं वंचिज्जए जयं सयलं । नारीण ताण देहं, पज्जते केरिसं? नियह ॥१६९०॥ तरुणाण जम्मि पडिया, कडक्ख-विक्खेव-बहल-रिंछोली तस्सेव उवरिमिण्हिं, गिद्धा दीसंति भमडंता ॥१६९१ ।। जं अंतो तं बाहिं, इमाइ देहम्मि होज्ज जइ पढमं । सयमेवगहियदंडा, तो सा रक्खंतिया गिद्धे ॥१६९२।। पंकयकेसरगोरि, नारिं वनंति हा! महामूढा । असूइ-मल-मत्तघडियं, भत्थडियमिणं न याणंति ॥१६९३॥ ते च्चिय विवेयवंता, धना ते चेव जे सयं चेव । भालयलसेयजललवमिव रमणिं चइय निक्खंता ॥१६९४॥ अम्हारिसाउ तच्छा, रमणी-देहं पि कहिय-सडियं पि अज्ज वि चइडं न खमा, अहह अहो! मोहमाहप्पं ॥१६९५।। रमणीयणवेलविया, जे इह हारति सिद्धिसोक्खाणि । ते विक्किणंति लक्खं, एक्काए चेव गंजाए ॥१६९६।। सीमंतिणीण नवरं, देहो सव्वेसि चेव मणयाणं । आई-मज्झऽवसाणे, असुइ च्चिय सव्वहा नेओ ॥१६९७॥ असुइमल-मत्तखंघ, वाहिपबंधं लसंतदुग्गंधं । विहडंतसंधिबंधं, कह पडिबंधं कणउ देहं? ॥१६९८॥ परिमलमिलंतमयरमाला, पणवनकुसुमवरमाला । खणमित्तेण विणस्सइ, जइ पत्ता देहसंबंधं ॥१६९९॥ देहु व्व रूव-जोव्वण-जीविय-धण-सयलवत्थुवित्थारा । गंधव्वपरायारा, खणेण दिट्ठा विणट्ठा य ॥१७००॥ संझाकालसमागयदेसियकुडिवसियपंथियगणो व्व । जणणी-जणयाइजणो, दिसोदिसि वच्चए सहसा ॥१७०१॥
Jain Education International 2010_04
For Private & Personal Use Only
www.jainelibrary.org
