________________
सुरसुंदररायकहा
पंचालिया य मुक्का, पवंचनिऊणेहिं देविठाणम्मि । देवीदेहो काणणतीरे, सचिवेहिं परिमुक्को ॥१६७६।। वायस-कंकाईणं, निवारणत्थं सया वि उवउत्ता । देवीदेहसमीवे, मक्का तह तेहिं पाइक्का ॥१६७७।। राया उण निच्चं पि हु, आगंतूणं पियाइपासम्मि । पडु-चाडु पयडणपरो, अतिवाहइ दुन्नि दियहाणि ॥१६७८।। सम्मं विभावयंतो, पिच्छइ पंचालियं इमं तत्थ । जाणइ मंतिपवंचं, रुट्ठो आहवइ ते सव्वे ॥१६७९॥ आगंतुणं सचिवा, वयंति सा काणणम्मि तह दइया । सयमेव गया मोत्तुं, इत्थ इमं नियपडिच्छंदं ॥१६८०॥ मणयं मणम्मि राया, मंतिगिराहिं वहेइ आसासं । सोक्खासणमारूढो, तह चलइ पियाए मिलणत्थं ॥१६८१ ।। एसो को वि ह दगंधो, सच्चविओ तेण गच्छमाणेणं । नासारंधं जेणं, सयरंधं हवइ फुट्टित्ता ॥१६८२॥ पिच्छइ तहा निसने, सवस्स सो नाइदूरदेसम्मि । सत्तपडचेलछाइय, नासारंधे सपाइक्के ॥१६८३।। सवसविहे सचिवेहिं, नीओ पुच्छेइ किं इमं राया । सचिवा कहति दइया, तज्झ मया एरिसी जाया ॥१६८४।। सलवलिरकिमिसमूह, रणंतभमडंतमच्छिया निवहं । दुग्गंधलहरिवासियसमग्गगयणंगणाभोयं ॥१६८५॥ वारिज्जंतसमागयमंडलघणमंडलेहिं परियरियं ।। पहिएहिं पिहियनासं, दराउ वि परिहरिज्जंतं ॥१६८६॥ तह उवरि भमिरवायस-कंकावलि-गिद्धनिवहसछन्नं । . फिक्कारफारफेरवलक्खेहिं कडक्खियं तह य ॥१६८७।। दूरपसारियवयणं, सो राया बहलसूणसव्वंगं । पिच्छइ दइयादेहं, बीभच्छरसं व पच्चक्खं ॥१६८८।।
Jain Education International 2010_04
For Private & Personal Use Only
www.jainelibrary.org
