________________
१२८
सिरिपउमप्पहसामिचरियं
रायं जंपइ कन्ना, सामिय! सच्चेव पंडियं मन्ना ।। तज्झ भवंतरदइया, तमं पि विदेसिओ जीए ॥१६३७॥ नेयं तुह नाह! पुरं चंदउरं किंतु मज्झ जणयस्स । इह भयवईए तं पण, आणीओ मज्झ कज्जेण ॥१६३८।। राया जंपइ माणिणि! अईवनिद्धासि जेण परमत्थं । नाऊण महं तक्खणमाणीओ मंतसत्तीए ॥१६३९।। एवं जंपताणं, ताण रवी उदयसेलमारूढो । अइरम्मसमाजोगं, तेसिं सच्चविउ कामो व्व ॥१६४०।। तो भयवई वि गंतु, विनवए चंदचूडनरनाहं । वद्धाविज्जसि कन्ना, जम्मंतरदइयलाहेण ॥१६४१ ।। चंदावलीए सहिओ, अमंदमाणंदबिंदुसंदोहं । उव्वहमाणो राया, पत्तो तं चेव मणिभवणं ॥१६४२॥ दठूण तस्स रूवं, हरिसभरुब्भिनरम्म-रोमंचो । मंचाहिमंचसंचयपव्वं पविसेइ तं नयरं ॥१६४३ ।। ववकलियदव्वसारं, निम्मियनीसेसलोयसक्कारं । कयचित्तचमक्कार, ताणं कारवइ वीवाहं ॥१६४४।। विहियदसाहियऊसवमेयं, कुमरीए सहिए सह राया । सामंतनिवहजुत्तं, नियमित्तजुयं विसज्जेइ ॥१६४५।। नियपुरमागच्छंतो, तित्थं तत्थेव रिसहनाहस्स । दग्गइपहनासणयं, वंदइ दमसायरं सूरिं ॥१६४६॥ मोहंधयारहरणी, सिवपरपत्ताणमंगलविरावा ।। निद्भूयराग-दोसा, मुणिणा सद्देसणा विहिया ॥१६४७।। नाउं नाणनिहाणं, पच्छइ संदेहदहणमह राया । मह मणिभवणनिसना, केणेसा दंसिया सुमिणे? ॥१६४८।। नाणवियाणिय तत्तो, मुणीसरो भणइ तेण खयरेणं । नियविज्जा पन्नत्ती, पुट्ठा मह कहस तं कत्थ ? ॥१६४९।।
Jain Education International 2010_04
For Private & Personal Use Only
www.jainelibrary.org
