________________
सुरसुंदररायकहा
१२७
जंपइ य सा निरंतरगलंतघोरंससित्तमहिवलया । इणमेव मज्झ चरियं, भयवइ! इह नत्थि संदेहो ॥१६२४॥ सो सुरसुंदरराया, एही जइ नेव थोवकालेणं । मरणं चिय मह होही, सरणं अन्नं न पिच्छामो ॥१६२५॥ तीए दत्थावत्थं पिच्छंती भणइ तावसी तत्तो । मा रुयस भीरु! रायं नियसत्तीए समाणेमि ॥१६२६॥ सग्गाउ सग्गरायं, चंदिमलोयाउ तह य चंदं पि । आणेमि ससत्तीए, पायाला नागरायं पि ॥१६२७।। इत्थंतरम्मि तरणी, अंतरिओ अत्थसिहरिसिहराओ । मंतपयासणसमयावयासदाणं करितु व्व ॥१६२८।। मंडलपूयोवगरणमेलणछउमेण तावसी तत्तो । गंतुं रायसयासे, साहइ सव्वं पि वत्तंतं ॥१६२९॥ तो विहियचेडिरूवं, नेउं सोवाणमालियामग्गे । मिल्लइ कयसिंगारं, रायं उवरि सयं जाइ ॥१६३०॥ लीलाकुमारी कन्ना, सयमेवाऽऽलिहइ मंडलमखंडं । मयनाहिरसेणं तो, सयमुत्तरसाहया जाया ॥१६३१॥ तो विहियधारणा सा झाणं काऊण भयवई मंतं । पणमइ हाँ हाँ हाँ हुः आगच्छ आगच्छ स्वाहा ॥१६३२॥ एवं झायंतीए, तीए जंभायमाणमहकहरो । विहियविविहंगभंगो, संपत्तो मंडले राया ॥१६३३॥ किं चित्तविन्भमो मह, किंमिंदजालं व मंत-तंतो वा । अहवा पुणरवि सुमिणं, तं चिय दिट्ट् ति सो भणइ ॥१६३४।। सा भयवई पयंपइ, वच्छे! सो एस आणिओ दूरा । तज्झ भवंतरदइओ, खामस नियविहियमवराहं ॥१६३५॥ रायंकुमरी दटुं, लज्जा हरिसा इहावसयकलिया । तं सोक्खं संपत्ता, जं जइ जाणेइ सा चेव ॥१६३६।।
Jain Education International 2010_04
For Private & Personal Use Only
www.jainelibrary.org
