________________
सुरसुंदररायकहा
. १२९
सारसमिहुणं जायं?, साहइ सा तुम्ह नाम-ठाणाणि । तो खेयरेणं भणिया, दंसस कुमरस्स तं कनं ॥१६५०॥ तो पन्नत्ती विज्जा, दंसइ मणिभवणसंगयं कनं ।। इत्थंतरम्मि तित्थं, पमायओ लंघियं तेण ॥१६५१॥ तो विज्जा पन्भट्ठो, नहयरनाहस्स तस्स तो जोगो । तुम्हाण न संजाओ, इय कहिउं पण गुरू भणइ ॥१६५२॥ परमेट्ठि-परममंतो, थोवं निसुओ वि बहुफलो जाओ । ता तं चिय वरमंतं, निच्चं सुमरेह भत्तीए ॥१६५३॥ सम्मत्तमहामूलो, वयसालो मुक्ख-सुक्खफल-कलिओ । गिहि-धम्म-कप्प-रुक्खो, मणिपासे तेहिं पडिवन्नो ॥१६५४॥ पत्ताणि नियं नयरं, निरंतर अणुहवंति मणइटें । दक्खेहिं असंभिन्नं, सोक्खं बयाणि वासाणि ॥१६५५॥ सम्मं गिहत्थ-धम्म, कणंति तित्थंकराण कारिति । मणिमयभवणसमूह, अप्पडिमा तह य पडिमाओ ॥१६५६॥ लीलाकुमारिदेवी, पासयसारेहिं अन्नदियहम्मि । कीलइ रन्ना अहवा, जूयमिणं मिहणमणहरणं ॥१६५७।। पुणरुत्तं पुणरुत्तं, देवीए पराजियम्मि नरनाहे । अकलियदहाण तेसिं, जूयं जायं चिरंकालं ॥१६५७॥ चिरकालनिसण्णाए, वायनिरोहेण झ त्ति देवीए । उयरे सूलं जायं, दुहावहं लोहमूलं व ॥१६५९॥ सिज्जागयाए तीए, अपरित्ताणाइ विज्जनिवहेहिं । पाणा परिनिक्खंता, सह दीहरसासदंडेण ॥१६६०॥ विज्जेहिं बहिं सज्जो, नीहरियं तह सहीहिं पुक्करियं । दासिहिं निययहिययं, ताडियमप्फालियं सीसं ॥१६६१ ।। चित्ते अचिंतणिज्जं, विभावणिज्जं न भावणपरेहिं । कलिऊण तीए मरणं, विलवइ सोयाउरो राया ॥१६६२॥
८
Jain Education International 2010_04
For Private & Personal Use Only
www.jainelibrary.org
