________________
सुरसुंदररायकहा
१२५
तो तालविंटवायप्पयाणपमहेहिं रायवरकन्ना । काउं सचेयणं तं, पुच्छइ मच्छाइ को हेऊ? ॥१५९८॥ सा वि भवंतरसरणं, · अवलविउं भणइ तुज्झ वसणमिणं । सोउं सक्खहियया, सहसा मुच्छाविया अहयं ॥१५९९॥ गंतुं मंतिसयासे, सहावरूवो कहेइ नियचरियं । सो पभणइ सुठुकयं, नियचरियं जं न से कहियं ॥१६००॥ पिच्छस मह सामत्थं, तं तह करिहामि जेण सा कन्ना । थोवदिणाणं मज्झे, वरिही सयमेव देव! तमं ॥१६०१ ।। इय भणियमंतिपुत्तो, साहिन्नाणं सवित्थरं तेणं । सारस-सारसिचरियं, रासयबंधेण कारेइ ॥१६०२॥ अज्झावयाण पासे, गंतं तरुणीहिं महरसद्देण । अज्झावइ परमज्झे, दव्वं दाऊण अइबयं ॥१६०३॥ अइबयदव्वलोहा, सरसं चरियं ति नव्व कव्वं ति । सव्वो पढेइ लोओ, पए पए तं पसंसंतो ॥१६०४।। मढ-देउल-भवणंतो, तं तिग-चच्चर-चउक्क-रच्छासुं। सव्वत्थपढिज्जं तं, चरियं अइकरुणरसभरियं ॥१६०५॥ तीए वि तावसीए, निसुयं तब्भवणगमणमग्गम्मि । दासिजणं पट्ठविउं, निसुणइ चरियं सयं एसा ॥१६०६।। तो उस्सूरे पत्ता, भणिया कन्नाए कीस अंब! तए । देवच्चणाइकालो, गलिओ न वियाणिओ अज्ज? ॥१६०७॥ तो तावसीए चरियं, कित्तियमित्तं नियाए पन्नाए । करुणारसेण गीयं, तीए परो झ त्ति मणहरणं ॥१६०८॥ अइ भयवइ! चरियमिणं, आणस मह नद्धसल्लनिट्ठवणं । जाणस तह उप्पत्तिं, केण इमं निम्मियं रम्मं? ॥१६०९॥ इय आणत्ताए सा तवस्सिणी हरिसनिब्भरसरीरा । अज्झावयाण अंते, पुच्छइ चरियस्स उप्पत्तिं ॥१६१०॥
Jain Education International 2010_04
For Private & Personal Use Only
www.jainelibrary.org
