________________
सुरसुंदररायकहा
१२१
भणिया रन्ना भयवइ! मह कन्ना रयणभवणम्मि ॥१५४५।। चिट्ठिस्सइ तुमए उण, निच्चं चिय देवपूयणाईयं । कारेयव्वा एसा, एसा अब्भत्थणा अम्ह ॥१५४६॥ तप्पभिइ वच्छ! एसा, अच्छइ इत्थेव रयणभवणम्मि । भोयणपमहं सव्वं, कारिजंती मए निच्चं ॥१५४७॥ परिसं विसं व मन्नइ, अवगन्नइ चित्तलिहियनररूवं । सिंगाररसस्स कहं, पिच्छइ अंगारवुढिं व ॥१५४८॥ समिणे वि ह नररूवं, दटुं बीहेइ कालसप्पं व । नरनामेण वि तासइ, उरगी विव गरुडसद्देण ॥१५४९॥ जह कन्ना अन्नाओ, जोव्वणसमयम्मि पवरवरकज्जे । पूयंति देवयाओ, वरचायत्थं तहा एसा ॥१५५०॥ तं सोउं मंतिसुओ, पभणइ भयवइ! कहं इमा कना । दट्ठव्वा अम्हेहिं ? सा वि हसंती तओ भणइ ॥१५५१ ।। तद्दिणजायं पि नरं, जा न वि पिच्छेइ सा कहं वच्छ ! तब्भेहिं दट्ठव्वा ? उब्भडजोव्वणसणाहेहिं ॥१५५२ ।। जइ पण इत्थीरूवो, होहिसी तो तं पि तज्झ दंसेमि । इय सणिय भणइ मंती, हं सिद्धो वंछिओ अत्थो ॥१५५३।। तो गतु नरनाह, वद्धावइ देव! वछिया सिद्धी । संजाया अम्हाणं, जत्ता जाया धुवं सहला ॥१५५४॥ किं मित्त ! भयवई सा, तुट्ठा तह झ त्ति ? जंपिए रना । सव्वं साहइ मंती, तस्स परो तावसीवयणं ॥१५५५।। रना सह गंतूणं, तवस्सिणि भणइ सायरो मंती । मह सामी एस तहिं, गच्छिस्सइ नारिरूवेण ॥१५५६।। भयवइ! एयस्स कए, विहिया आराहणा मए सव्वा । सा जंपइ एसो वि ह, मह पत्तो तो हवउ इत्थी १५५७|| तो तावसिवयणाओ, हरिसभरुब्भिनरोमंचो ।
Jain Education International 2010_04
For Private & Personal Use Only
www.jainelibrary.org
